პრეზიდენტი უახლოეს მომავალში მთავრობის სხდომას ზესტაფონში ჩაატარებს, სადაც მუნიციპალიტეტში არსებულ ყველა პრობლემას განიხილავენ.
„ვიმედოვნებ, ამ მთავრობის სხდომაზე ბევრ საკითხზე გამახვილდება ყურადღება, რაც დროის მცირე მონაკვეთში მოგვარდება კიდეც და მოსახლეობის სოციალურ მდგომარეობას გააუმჯობესებს“, - განაცხადა ზესტაფონის „ნაციონალური მოძრაობის“ მაჟორიტარი დეპუტატობის კანდიდატმა ზურაბ ბუცხრიკიძემ.
ბუცხრიკიძე 6 სექტემბერს გორგასლის ქუჩის მოსახლეობას შეხვდა, სადაც მოსახლეობამ არსებულ პრობლემებზე ისაუბრა. დენი, წყალი, უმუშევრობა და ძვირადღირებული სამედიცინო მომსახურება ის ძირითადი პრობლემებია, რაზეც ადგილობრივებმა მაჟორიტარ კანდიდატს დახმარება სთხოვეს.
ბუცხრიკიძემ ხალხს მოუწოდა, რომ ყველა პოლიტიკური პარტიის შეხვედრას დაესწრონ და გადაწყვეტილება ამის შემდეგ მიიღონ, რადგან ეს არჩევნები ქვეყნისთვის მნიშვნელოვანია.
მარი ტაბიძე, ზესტაფონი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
