„ქართული ოცნების“ კანდიდატს „ნაციონალების“ აქტივისტებმა შეკითხვები დაუსვეს

7 სექტემბერს „ქართული ოცნების“ ხონის მაჟორიტარი დეპუტატობის კანდიდატმა  ნიკა სანოძემ ამომრჩევლებთან მორიგი შეხვედრა გამართა.  სანოძემ  ადგილობრივებს  კოალიციის საარჩევნო პროგრამა გააცნო. მოსახლეობამ სადაზღვეო პოლისების, სოციალური საკითხების და უმუშევრობის პრობლემებზე ისაუბრა. 

შეკრებას „ნაციონალური მოძრაობის“ ახალგაზრდა აქტივისტებიც ესწრებოდნენ. ისინი „ქართული ოცნების“ მაჟორიტარი კანდიდატის შეხვედრას მოსახლეობასთან ბოლომდე დაესწრნენ და კოალიციის მომავალ გეგმებზეც რამდენიმე კითხვა დასვეს.

ნიკა სანოძემ „ნაციონალური მოძრაობის“ ახალგაზრდა აქტივისტების კითხვებს უპასუხა და განაცხადა: „ამ ახალგაზრდებს აქვთ თავიანთი მოსაზრებები და შეხედულებები, ამიტომაც დასვეს კითხვები და ვფიქრობ ეს ნორმალურია“.

მარი ტაბიძე, ხონი