16:06, Monday, 30.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ნაციონალური მოძრაობის სააგიტაციო პლაკატები საჯარო შენობის ფასადზე

25.09.2012
ხონის საოლქო კომისიამ დარეგისტრირებულ პოლიტიკურ სუბიექტებს იმ ადგილების ჩამონათვალი მიაწოდა, სადაც საარჩევნო სააგიტაციო პლაკატების გაკვრა შეუძლიათ. ჩამონათვალში მუნიციპალიტეტის ყველა მოსაცდელია  შესული, მათ შორის რამდენიმე შენობა, რომელიც ქალაქის ტერიტორიაზე მდებარეობს.

ნაციონალური მოძრაობის საარჩევნო პლაკატები, ერთ კვირაზე მეტია, ქალაქის და მიმდებარე სოფლების შენობებზეა გაკრული, მათ შორის - ხონის სახანძრო სამსახურის შენობის ფასადზე. აღნიშნული სამსახურის თანამშრომლები ამბობენ, რომ პლაკატები თავად მოიტანეს და გააკრეს. ანალოგიური პლაკატები ქალაქში არსებული მაღაზიების ფასადებზეც გამოჩნდა.

„ვიღაც ორი ახალგაზრდა იყო მოსული და ეს პლაკატები  მოიტანეს. მითხრეს, რომ „ნაციონალური მოძრაობიდან“ იყვნენ  და პლაკატები უნდა გაეკრათ. აქ სურსათის სხვა რეკლამები მაქვს გაკრული და ვუთხარი თუ ადგილს გამოძებნით გააკარითქო. წინააღმდეგობა არც გამიწევია და არც უარი მითქვას, იმიტომ რომ აზრი არ ქონდა მაინც გააკრავდნენ“, - განაცხადა humanrights.ge-სთან საუბრისას სასურსათო მაღაზიის თანამშრომელმა.

კოალიცია „ქართული ოცნების“ ხონის რაიონული ორგანიზაციის ხელმძღვანელი ალეკო ვეკუა ამბობს: „საოლქო კომისიამ სააგიტაციო პლაკატებისთვის გამოყოფილი ადგილების ჩამონათვალი მოგვცა და უახლოეს მომავალში გავაკრავთ. იმედია, პლაკატებისთვის ადგილი ყველასთვის საკმარისი აღმოჩნდება და ჩამოხევის ფაქტებს, განადგურების მიზნით, ადგილი არ ექნება“.

„სამართლიანი არჩევნების“ ქუთაისის ორგანიზაციის ხელმძღვანელი თეონა გოგიშვილის თქმით, „თუდაწესებულება, რომელზეც პლაკატებია გაკრული, ადგილობრივი თვითმმართველობის ბალანსზეა, მაშინ საარჩევნო კოდექსი დარღვეულია, რადგან ის საჯარო დაწესებულებებზე საარჩევნო სააგიტაციო მასალის გაკვრას კრძალავს. ვფიქრობ, ეს ფაქტი დარღვევად უნდა დაფიქსირდეს ყველა შესაბამის უწყებაში“.
 
სახანძრო სამსახური  საქართველოს კანონმდებლობით საჯარო, სახელმწიფო დაწესებულებაა. აქედან გამომდინარე, საარჩევნო კოდექსის 46-ე მუხლის მე-2 პუნქტის შესაბამისად  საჯარო დაწესებულებაში  რომელიმე პარტიის სააგიტაციო პლაკატის გაკვრა კანონდარღვევაა.

მარი ტაბიძე, ხონი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

შშმ მსჯავრდებულთა უფლებები პენიტენციურ დაწესებულებაში
შვიდი წელია არასამთავრობო ორგანიზაცია ადამიანის უფლებათა ცენტრში ვმუშაობ და ამდენივე წელია, რაც პენიტენციურ დაწესებულებაში მყოფ მსჯავრდებულთა უფლებრივ მდგომარეობას ვსწავლობ.
ვრცლად...
გორაშვილი vs ნაჭყებია
სიკვდილით სავსე ქალაქი
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC