15:21, Friday, 10.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მოქალაქის პროტესტი „ნაციონალური მოძრაობის“ პლაკატთან დაკავშირებით

25.09.2012
მოქალაქე თინა მიქელაძე აჭარის უმაღლეს საბჭოში „ნაციონალური მოძრაობის“ მაჟორიტარი დეპუტატობის კანდიდატის, რობერტ ჩხაიძის საარჩევნო პლაკატის შეცვლას ითხოვს. აღნიშნულ პლაკატზე თინა მიქელაძე მაჟორიტარი დეპუტატობის კანდიდატ ჩხაიძესა და სამ მოქალაქესთან ერთად ჩანს. თინა მიქელაძეს პლაკატის შეცვლის მოთხოვნა პატიმრების წამების ფაქტების ტელევიზიით გაშუქების შემდეგ გაუჩნდა.

„ტელევიზიით გაშუქებული პატიმრების წამების ამაზრენი კადრების შემდეგ, როგორც ქართველი, სამი შვილის დედა, აღარ მსურს „ნაციონალური მოძრაობის“ პლაკატზე ვიყო. ფოტოზე ჩემი ყოფნა არის ჩემი ოჯახის, ჩემი გვარის შეურაცხყოფა“, - აცხადებს თინა მიქელაძე. 

პარტია „ნაციონალური მოძრაობის“ პრესსპიკერი და  ბათუმის საკრებულოს თავმჯდომარე გიორგი კირთაძე აცხადებს, რომ სააგიტაციო მასალა არ შეიცვლება: „ეს ქალბატონი იყო შეხვედრაზე მოსული მაჟორიტარი დეპუტატობის კანდიდატთან. ბუნებრივია, ის შეიძლებოდა მომხვდარიყო ფოტოგრაფის მიერ გადაღებულ კადრში და სამართლებრივად სრული უფლება გვქონდა, ნებისმიერი ფოტო გამოგვეყენებინა პლაკატისთვის. სამართლებრივად ჩვენ არ ვართ დანაშავენი და მიუხედავად მოთხოვნისა, არ ვაპირებთ პლაკატის შეცვლას“.

მაკა მალაყმაძე, აჭარა

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC