07:31, Sunday, 05.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

უხეში დარღვევები მარნეულის 22-ე საარჩევნო ოლქის 28-ე საარჩევნო უბანზე

01.10.2012

ადამიანის უფლებათა ცენტრის დამკვირვებელმა მარნეულის 22-ე საარჩევნო ოლქის 28-ე საარჩევნო უბანზე სხვადასხვა სახის დარღვევის ფაქტები დააფიქსირა.

ამ უბანზე რეგისტრირებულია 1123 ამომრჩეველი, მიღებული ბიულეტენების რაოდენობა კი მხოლოდ 900 იყო. ამის თაობაზე, გადამოწმების მიზნით, ადამიანის უფლებათა ცენტრის წარმომადგენელმა კომისიის თავმჯდომარე ნანა გვაზავას მოსთხოვა მიღება-ჩაბარების აქტის ასლი, რაზეც მიიღო ხისტი უარი. თავმჯდომარემ განაცხადა, რომ მიღება-ჩაბარების აქტი მხოლოდ მისი „საკუთრება“ იყო.

ასევე, საარჩევნო ყუთს აკონტროლებს (ამომრჩეველს კონვერტებს აწვდის) არა საუბნო კომისიის რომელიმე წევრი, არამედ „საარჩევნო სისტემის კვლევითი ცენტრის“ დამკვირვებელი  - მამედ ირზაკულიევი. საარჩევნო ყუთზე არ იყო დაფარებული ფურცელი და ეს დარღვევა მხოლოდ ადამიანის უფლებათა ცენტრის წარმომადგენლის მოთხოვნის შემდეგ გამოსწორდა.

ნაკადის მომწესრიგებლის განკარგულებაში მყოფი მარკირების შემოწმების აპარატი არ მუშაობს. ადამიანის უფლებათა ცენტრის დამკვირვებელმა მარკირების პროცედურა თვითონაც გაიარა და ცოტა ხნის შემდეგ აპარატმა ვერ დააფიქსირა სითხის არსებობა.

კომისიის თავმჯდომარე, ნანა გვაზავა ადამიანის უფლებათა ცენტრის დამკვირვებელს მობილური ტელეფონით ფოტომასალის გადაღება შეუზღუდა. „შენ უკვე საკმარისად გადაიღე, გეყოფა“, - უთხრა მან.

აღნიშნულ უბანზე ამომრჩეველზე ზეწოლის უხეში ფაქტები ფიქსირდება. კერძოდ - უბანზე მისული თითქმის ყველა ამომრჩეველი ითხოვს დახმარებას კაბინაში, რა დროსაც დამხმარე პერსონა (სხვა ამომრჩეველი) მას აშკარად მიუთითებს, რომ ბიულეტენში შემოხაზოს 5 ნომერი.

ზეწოლის ფაქტები დაფიქსირდა არა მხოლოდ ამომრჩეველზე, არამედ კომისიის ერთ-ერთ წევრზე - ნათელა ჩანქსელიანზეც, რომელსაც აქვს რეგისტრატორის ფუნქცია მინიჭებული. ჩანქსელიანი შეეწინააღმდეგა და დამკვირვებლებთან ერთად, ხმა აიმაღლა იმ ფაქტზე, რომ საარჩევნო უბანზე მისულ ამომრჩევლებს პირდაპირ მოუწოდებენ ხუთიანის შემოხაზვას. ამის გამო მან კომისიის სხვა წევრებისგან და განსაკუთრებით - თავმჯდომარისაგან, მიიღო გაფრთხილება. ხოლო როდესაც რეგისტრატორმა კვლავ გააპროტესტა დარღვევები, უბანზე მივიდა ცესკოს წარმომადგენელი საოლქო კომისიიდან და შემდეგი სიტყვებით დაემუქრა: „შენ ჩემი დანიშნული ხარ აქ და თუ არ გაჩუმდები - მოგხსნი“!

ამჟამადაც უბანზე ქაოსია შექმნილი და პროცესი მიმდინარეობს მრავალი დარღვევის ფონზე. ადამიანის უფლებათა ცენტრმა მარნეულის 22-ე საარჩევნო ოლქის 28-ე საარჩევნო უბნის კომისიას შესაბამისი საჩივრებით მიმართა.

ირაკლი ლატარია,
ადამიანის უფლებათა ცენტრი, მარნეული

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC