კახეთში, საპარლამენტო არჩევნების მსვლელობისას ადამიანის უფლებათა ცენტრმა“ საარჩევნო უბნებზე 30-ზე მეტი დარღვევა დააფიქსირა. ყველაზე სკანდალური დარღვევა, პანკისის ხეობის სოფელ დუისში N5 საარჩევნო უბანზე დაფიქსირდა, რის გამოც ორგანიზაციის (HRIDC) დამკვირვებელმა გელა მთივლიშვილმა კენჭისყრის ჩაშლა მოითხოვა.
მისი თქმით, ორგანიზაციამ საოლქო-საარჩევნო ამ ფაქტზე კომისიაში საჩივარი შეიტანა, რომელსაც თან დაურთო კენჭისყრის შენობაში აღმოჩენილი, შს სამინისტროს ელექტრონული მონაცემთა დახურული ბაზიდან ამოღებული 22 დოკუმენტი, სადაც ამომრჩევლის შესახებ სრული ინფორმაცია იყო მოცემული.
„ადამიანის უფლებათა ცენტრის“ დამკვირვებლებმა კახეთში, ყვარლის N15 საარჩევნო უბანზე „მკვდარი სულებიც“ აღმოაჩინეს. კაბალის N18 საარჩევნო უბანზე ერთ-ერთი დამკვირვებელი აზერბაიჯანულ ენაზე „ბეშ-ბეშს“ ( რაც ქართულად ხუთს ნიშნავს) გაიძახოდა და „ნაციონალური მოძრაობის“ მხარდამჭერ აგიტაციას ეწეოდა.
ველისციხეში რძალმა არჩევნებში მონაწილეობა დედამთილის ნაცვლადაც მიიღო, კახეთის რამდენიმე უბანზე დამკვირვებლებმა საარჩევნო უბანში სივიწროვის გამო დაკვირვება ვერ განახორციელეს ან უბნები არ იყო პროცედურების დაცვით მოწყობილი.
წინასწარი მონაცემებით საპარლამანეტო არჩევნებში კახეთიდან ამომრჩევლის დაახლოებით 52%-მა მიიღო მონაწილეობა.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
