„ქართული ოცნების“ დამკვირვებელი საარჩევნო უბნიდან გააძევეს

ქუთაისის #120–ე საარჩევნო უბნიდან „ქართული ოცნების“ დამკვირვებელი გიგა კუბლაშვილი გააძევეს. კუბლაშვილის განმარტებით, იგი მხოლოდ იმიტომ გააგდეს, რომ საჩივრები დაწერა:  „თავიდანვე არაკეთილგანწყობილი იყვნენ ჩემს მიმართ. მას შემდეგ კი, რაც 4 საჩივარი დავწერე, აგრესია გაიზარდა და საბოლოოდ, უბნიდან გამაგდეს“.

#120 საარჩევნო უბნის დამკვირვებელი „ნაციონალური მოძრაობიდან“ აცხადებს, რომ კუბლაშვილი მხოლოდ იმიტომ გააძევეს საარჩევნო უბნიდან, რომ  საჩივარს საჩივარზე წერდა და საუბნო კომისიას მუშაობაში ხელს უშლიდა. 

შორენა კაკაბაძე, ქუთაისი