ბათუმის საკრებულოს წევრმა ქდმ-დან, ვაჟა ვერულიძემ, 12 ოქტომბერს ბრიფინგი გამართა. ბრიფინგზე ვერულიძემ განაცხადა რომ ის ქდმ-ს გაემიჯნა. მისი თქმით, აღნიშნული განცხადება მან თვენახევრის წინ მიიღო, თუმცა, მორალური ეთიკის გათვალისწინებით, წინასაარჩევნოდ არ გაამჟღავნა.
ვაჟა ვერულიძე, ბათუმის საკრებულოს წევრი: „ვინაიდან ისედაც არა ვარ იმ პოლიტიური პარტიის წევრი, რომელსაც მე წარმოვადგენ ბათუმის საკრებულოში, მივიღე გადაწყვეტილება, გავემიჯნო აღნიშნულ პოლიტიკურ ორგანიზაციას. ჩემს გადაწყვეტილებას არავითარი კავშირი არა აქვს ქვეყანაში ჩატარებულ საპარლამენტო არჩევნებთან და დამდგარ შედეგთან. გადაწყვეტილების მიღების საფუძველი გახდა პარტიულ ორგანიზაციაში განვითარებული მოვლენები და მისი ანალიზი“.
ვერულიძემ არ დააკონკრეტა, თუ რა საკითხებში ვერ თანხმდებოდა პარტიასთან. ამ ეტაპზე ის დამოუკიდებელ დეპუტატად რჩება ბათუმის საკრებულოში. თუმცა, არ გამორიცხავს, რომ შემოთავაზების შემთხვევაში რომელიმე ძალასთან ითანამშორმლოს.
მაკა მალაყმაძე, აჭარა
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
