ზესტაფონის მუნიციპალიტეტის სოფელ სვირის საჯარო სკოლის დარაჯი პოლიტიკური შეხედულების გამო სამსახურიდან გაათავისუფლეს. ზურაბ წაქაძე ამ ადგილზე რამდენიმე წელი მუშაობდა.
წაქაძემ და მისმა ოჯახმა არჩევნებში თავისი პოზიცია კოალიცია „ქართული ოცნების“ სასარგებლოდ დააფიქსირეს. თუმცა, მანამდე მას „ნაციონალური მოძრაობის“ წინასაარჩევნო კამპანიაში მონაწილეობა შესთავაზეს და პირადობის მოწმობაც გამოართვეს. მოგვიანებით, როდესაც გაიგეს, რომ ის „ქართულ ოცნებას“ უჭერდა მხარს, სამსახურიდან გაათავისუფლეს.
სვირის საჯარო სკოლის დირექტორის მოვალეობის შემსრულებელი ინგა წიგნაძე ამბობს, რომ სკოლაში საშტატო ცვლილებები მოხდა და განთავისუფლების მიზეზი მხოლოდ შემცირებებია.
მარი ტაბიძე, ზესტაფონი