საჩხერის ორი მკვიდრი ამირან და ზურაბ შეყლაშვილები შეიარაღებულმა პირებმა 10 ოქტომბერს დააკავეს და არაღიარებული სამხრეთ ოსეთის საპატიმროში მოათავსეს. დაკავებისას ისინი სამხრეთ ოსეთის ადმინისტრაციული საზღვრის სიახლოვეს იმყოფებოდნენ.
დაკავებულები 15 ოქტომბერს ტყვეობიდან გაათავისუფლეს. ისინი ცხინვალის ტერიტორიაზე 5 დღის განმავლობაში იმყოფებოდნენ და დაკითხვას უწყობდნენ.
ტყვეობიდან გათავისუფლებულები ამბობენ, რომ ოსურ ტერიტორიაზე გადაყვანის შემდეგ შეიარაღებული პირები სხვადასხვა ტიპის ინფორმაციით დაინტერესდნენ. მათ შორის, აინტერესებდათ ოჯახის წევრების ვინაობა და საკითხი - იღებდნენ თუ არა მონაწილეობას 2008 წლის ომში.
განთავისუფლებული ტყვეების განცხადებით, ისინი მხოლოდ კოალიცია „ქართული ოცნების“ საჩხერის მჟორიტარი დეპუტატის, მანანა კობახიძის ჩარევის შემდეგ გაათავისუფლეს.
მარი ტაბიძე, საჩხერე