08:12, Thursday, 28.01.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მსჯავრდებული აცხადებს, რომ მის წამებაში დათა ახალაიაც მონაწილეობდა

17.10.2012
2012 წლის 28 სექტემბერს მსჯავრდებულმა გიორგი ჩიხლაძემ განცხადებით მიმართა საქართველოს ახალგაზრდა იურისტთა ასოციაციის თავმჯდომარეს. განცხადებაში აღწერილია 2011 წლის 30 ივნისს, მსჯავრდებულის დაკავებისას  განხორციელებული ადამიანის უფლებების შემლახველი რიგი ქმედებები.

გიორგი ჩიხლაძის განმარტებით, უკანონო ქმედებებში სხვა პირებთან ერთად დათა ახალაიაც მონაწილეობდა. კერძოდ, მსჯავრდებული აცხადებს, რომ დაკავების შემდეგ კუდის თანამშრომლებმა მიიყვანეს მოდულის შენობაში, სადაც დენით აწამეს, შემდეგ კი დათა ახალაიას კაბინეტში შეიყვანეს. „დათა ახალაიამ მითხრა - კარგად მიცნობ, რისი გამკეთებელი ვარ და მოყევი, რაც იცი ოქრუაშვილის შესახებო. მე მოვუყევი, მაგრამ არ მოეწონა და გადმოვიდა ცემაზე. მცემდა ჯოხის ხელკეტით. მასთან ერთად მცემდა კიდევ ერთი პიროვნება...“  - წერს გიორგი ჩიხლაძე თავის განცხადებაში.

საქართველოს ახალგაზრდა იურისტთა ასოციაციის შეფასებით, მსჯავრდებულ გიორგი ჩიხლაძის მიერ განცხადებაში მითითებული ფაქტები მოიცავს ინფორმაციას დანაშაულის ნიშნების შესახებ, რომელიც გამოძიების დაწყების საფუძველია. შესაბამისად, 11 ოქტომბერს, საიამ მსჯავრდებულის განცხადება მიაწოდა მთავარ პროკურატურას და მოითხოვა გამოძიების დაწყება განცხადებაში მითითებულ ფაქტთან დაკავშირებით.
 
საია მოითხოვს, საქართველოს მთავარმა პროკურატურამ უზრუნველყოს განცხადებაში მითითებული ფაქტის დამოუკიდებელი, მიუკერძოებელი და ობიექტური გამოძიება და ასევე უზრუნველყოს მსჯავრდებულ ჩიხლაძის უსაფრთხოება.
 
მსჯავრდებულ ჩიხლაძის განცხადება

წყარო: www.gyla.ge 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC