გორის საცურაო აუზის ყოფილი მეპატრონე გიორგი გიგუაშვილი ქონების უკანონო ჩამორთმევაში გორის რაიონის პროკურორს, გიორგი ჭანტურიძეს, დეპუტატს დავით საყვარელიძეს და ყოფილ გუბერნატორ ლადო ვარძელაშვილს ადანაშაულებს.
როგორც „ინტერპრესნიუსის“ კორესპონდენტი იუწყება, გიორგი გიგუაშვილმა განცხადება იუსტიციის მინისტრისა და მთავარი პროკურორის სახელზე დაწერა და ქონების ჩამორთმევის ფაქტზე რეაგირება მოითხოვა.
როგორც გიგუაშვილი განმარტავს, მან 2007 წლის ზაფხულში აუქციონის წესით შეიძინა გორის საცურაო აუზი, 2008 წელს კი, პროკურორმა გიორგი ჭანტურიძემ დაიბარა და ქონების გორის მუნიციპალიტეტის სასარგებლოდ დათმობა მოსთხოვა.
გიგუაშვილის მტკიცებით, უარის შემთხვევაში მას ნარკოტიკული ნივთიერების ან იარაღის ჩადებით ემუქრებოდნენ. . მისივე განცხადებით, აღნიშნულ საქმეში ჩართული იყო იმ დროისთვის ოლქის პროკურორი დავით საყვარელიძე და ყოფილი გუბერნატორი ლადო ვარძელაშვილი.
ინტერპრესნიუსი