00:37, Saturday, 06.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ნიუ ენერჯის“ საქმიანობის დეტალები საგამოძიებო ორგანოებს გადაეგზავნება

15.11.2012

მთავრობის ივლის-აგვისტოს განკარგულებებით დაგეგმილი საგზაო მონაკვეთების მშენებლობა-რეაბილიტაციის სამუშაოების შესრულების მაჩვენებელი უმრავლეს შემთხვევაში 3-4 %-ია , - ამის შესახებ რეგიონული განვითარებისა და ინფრასტრუქტურის მინისტრმა, დავით ნარმანიამ 13 ნოემბერს გამართულ პრესკონფერენციაზე განაცხადა.

მისი თქმით, სამუშაოს შესრულების მაჩვენებელი მხოლოდ ერთეულ შემთხვევაში აღწევს 20%-ს, განსაკუთრებით რთული ვითარება კი „საერთაშორისო მნიშვნელობის გზაზე“, კობი-გუდაურის მონაკვეთზეა.

დავით ნარმანია სამინისტროსა და კომპანია „ნიუ ენერჯის“ თანამშრომლობასა და კომპანიის მიერ საბიუჯეტო სახსრების ხარჯვის საკითხსაც შეეხო. მინისტრის თქმით, „ნიუ ენერჯის“ საქმიანობის შესახებ ანგარიში ფინანსთა სამინისტროს გადაეგზავნება. მისივე თქმით, ცალკეული სამუშაოების ექსპერტიზა მოხდება, დოკუმენტები საგამოძიებო ორგანოებს გადაეგზავნება, ნაწილზე კი ტენდერი გამოცხადდება.

წინა მთავრობის მიერ შესრულებულ სამუშაოებს მინისტრის მოადგილე, შოთა მურღულია გამოეხმაურა. მისი თქმით, სამინისტროს მუშაობის 9 თვის მონაცემებით, დაგეგმილი სამუშაოების მხოლოდ 57%-ია შესრულებული. განსაკუთრებით „კატასტროფული ვითარება“ კი მესამე კვარტალშია, როდესაც მურღულიას ცნობით, გეგმა 43%-ით შესრულდა.

ამასთან, მინისტრის პირველმა მოადგილემ, თენგიზ შერგელაშვილმა „საეჭვო გარემოებების“ შემცველ საკითხზეც გაამახვილა ყურადღება. მისი თქმით, ქუვეითელ ინვესტორს თელავში 3 წლის განმავლობაში 1 მილიონი ლარის ინვესტიცია უნდა განეხორცილებინა, თუმცა გეგმა შეიცვალა. შერგელაშვილის თქმით, აღნიშნულ საკითხსა და ფინანსების წარმომავლობას პროკურატურა შეისწავლის.

ასევე ცნობილი გახდა, რომ კახეთში, სტიქიის სალიკვიდაციო კომისიამ ობიექტების იდენტიფიცირება მოახდინა და უახლოეს მომავალში სარეაბილიტაციო სამუშაოები დაიწყება.

ამასთან, მინისტრის მოადგილის თქმით, არასამთავრობო ორგანიზაციების წარმომადგენლებისა და ექსპერტების მონაწილეობით, მრჩეველთა ჯგუფი შეიქმნება, რომელიც ქვეყნის დეცენტრალიზაციის პროცესში მონაწილეობას მიიღებს. შერგელაშვილის განმარტებით, დეცენტრალიზაციის განხორციელება მთავრობის მყარი კურსია, რომელიც უახლოესი თვეების პრიორიტეტს წარმოადგენს.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC