15 ნოემბერს, სამტრედიის ბაგა-ბაღების პედაგოგები რაიონის გამგებელთან შესახვედრად ადგილობრივ მუნიციპალიტეტში მივიდნენ. გამგებელ ავთანდილ სტურუასთან შეხვედრას ისინი ხელოფასების მატების მოთხოვნის მიზნით ითხოვდნენ.
ბაგა-ბაღების პედაგოგების განმარტებით, შეხვედრაზე გამგებელმა მათ განუცხადა, რომ ხელფასები 30%-ით გაეზრდებოდათ, მაგრამ პედაგოგების ნაწილი ამ გადაწყვეტილებას აპროტესტებს. რადგან ხელფასების 30%-ით ზრდა რეალურად არაფერს ცვლის.
პედაგოგები ამჟამად 100-150 ლარის ფარგლებში იღებენ ანაზღაურებას, რაც საარსებო მინიმუმზე გაცილებით დაბალია. პედაგოგები მოითხოვენ, ხელფასები ჯერ საარსებო მინიმუმს გაუტოლდეს და შემდეგ მოხდეს 30%-ის დამატება. ავათნდილ სტურუას განცხადებით კი ბაგა-ბაღების პედაგოგებს ხელფასები მხოლოდ 30%-ით მოემატებათ, რადგან ბიუჯეტში სხვა საშუალება ამ ეტაპზე არ მოიძებნება. მომატებულ ხელფასებს კი პედაგოგები იანვრიდან მიიღებენ.
მარი ტაბიძე, სამტრედია