15 ნოემბერს ხარგაულის მუნიციპალიტეტის სოფელ ზვარეს ტერიტორიაზე რკინიგზის ხაზის მშენებლობის პროცესს მოსახლეობა აპროტესტებს. სპეციალისტების თქმით, აღნიშნული მშენებლობა სოფელ ზვარეს ეკოლოგიურ პრობლემებს უქმნის. ამასთანავე, იკვეთება მინერალური წყლის - „ზვარეს“ დაკარგვის საშიშროებაც.
გარემოს დაცვის მინისტრის ხათუნა გოგოლაძის თქმით, ამ ეტაპზე ამ სოფელში რამდენიმე სახის პრობლემა ფიქსირდება: „ერთ-ერთი პრობლემა მთის ნიადაგის მოხსნაა, რომელიც ჩაყრილია მდინარეში. ამ ფაქტმა კი შესაძლოა, სავალალო მდგომარეობამდე მიგვიყვანოს, რადგან შესაძლოა, ნიადაგის მდინარეში ჩაყრას ღვარცოფი ან დატბორვა მოყვეს. ეს განსაკუთრებით დიდ საშიშროებას გამოიწვევს გაზაფხულზე, როცა მდინარე წყალუხვი გახდება. ვფიქრობ უნდა მოხდეს გარემოზე მიყენებული ზიანის გაანგარიშება და შესაბამისი ღონისძიებების გატარება“.
გარემოს დაცვის მინისტრთან ერთად აღნიშნული სამუშაოები ენერგეტიკისა და ბუნებრივი რესურსების სამინისტროს წარმომადგენლებმაც მოინახულეს და არსებული პრობლემების შესწავლით დაინტერესდნენ.
მარი ტაბიძე, ხარაგაული
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
