20:11, Saturday, 30.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სააკაშვილი სახელმწიფო დაცვის სპეცსამსახურის წესდებას ცვლის

22.11.2012
პრეზიდენტის ბრძანებულების საფუძველზე, „საქართველოს სახელმწიფო დაცვის სპეციალური სამსახურის დისციპლინურ წესდებაში“ (სდსს) ცვლილებები შედის და მასში არსებული მთელი რიგი მუხლები კონკრეტდება.

ცვლილება წესდების პირველივე მუხლის პირველივე პუნქტს ეხება, რომლის მოქმედი ჩანაწერითაც, სახელმწიფო დაცვის სპეციალური სამსახური,  როგორც გასამხედროებული, სპეციალური შეიარაღებული სამთავრობო უწყება, უზრუნველყოფს ქვეყნის უსაფრთხოებას კანონმდებლობით განსაზღვრული კომპეტენციის ფარგლებში. აქ სიტყვები - „გასამხედროებული, სპეციალური შეიარაღებული სამთავრობო უწყება“ იცვლება სიტყვებით - „საქართველოს პრეზიდენტის უშუალო დაქვემდებარებაში არსებული აღმასრულებელი ხელისუფლების სპეციალური დანიშნულების გასამხედროებული დაწესებულება“.

ამავე ცვლილებების ფარგლებში, მოსამსახურეთა სამსახურებრივი დისციპლინა გაკონტროლდება უშუალო ხელმძღვანელი პირების მიერ სამსახურებრივი ზედამხედველობის განხორციელებით და სამსახურის გენერალური ინსპექციის (დეპარტამენტი) მიერ ჩატარებული ინსპექტირებით. გამოვლენილი დარღვევის გათვალისწინებით, თანამშრომლის დისციპლინური პასუხისმგებლობის შესახებ შუამდგომლობას სამსახურის სტრუქტურული დანაყოფების ხელმძღვანელები სამსახურის უფროსს წარუდგენენ შესაბამისი პატაკით, ხოლო სამსახურის გენერალური ინსპექცია - სამსახურებრივი შემოწმების დასკვნით. დისციპლინური სახდელის დაკისრება სამსახურის უფროსის ბრძანებით ხორციელდება.
სახელმწიფო დაცვის სპეციალური სამსახურის დისციპლინური წესდების მოთხოვნები „სახელმწიფო დაცვის სპეციალური სამსახურის შესახებ“ კანონის შესაბამისად, კადრების განკარგულებაში მყოფ თანამშრომლებზეც გავრცელდება, რაც აქამდე არ ხდებოდა.

ამასთან, კონკრეტდება დისციპლინურ გადაცდომათა საფუძვლები. ასეთად კი ჩაითვლება: სამსახურებრივ მოვალეობათა შეუსრულებლობა ან არაჯეროვანი შესრულება, სამსახურისათვის ქონებრივი ზიანის მიყენება ან ასეთი ზიანის წარმოშობის საშიშროების შექმნა, ზოგადზნეობრივი და ეთიკური ნორმების წინააღმდეგ, მოსამსახურის ან სამსახურის დისკრედიტაციისაკენ მიმართული უღირსი საქციელი, მისი ჩადენის ადგილის და დროის მიუხედავად, თანამდებობასთან შეუთავსებელი საქმიანობა, სამსახურის თანამშრომელთა ეთიკის კოდექსით დადგენილი მოთხოვნების შეუსრულებლობა, სახელმწიფო საიდუმლოების დაცვის წესების დარღვევა, სამსახურის შინაგანაწესის მოთხოვნათა დარღვევა, ფიცის გატეხა, სპეციალური ფორმის ტანსაცმლის ტარების წესის დარღვევა, იარაღის შენახვის, ტარებისა და გამოყენების წესების დარღვევა და მხედრული მისალმების და საწესდებო ურთიერთობების მარეგულირებელი ნორმების დარღვევა.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC