ბოლო ორი კვირის განმავლობაში თერჯოლის მუნიციპალიტეტის სოფელ 26 მაისში მუხის ხეები მასსობრივად გაიჩეხა. მუხის ხეები რამდენიმე ათეულ წელს ითვლიდა, რომელიც 120 ჰექტარზე იყო ბუნებრივად გაშენებული. ქართული მუხა წითელ წიგნშია შეტანილი და მისი მოჭრა კანონით ისჯება.
ადგილობრივი მოსახლეობა მუხის ხეების გაჩეხვაში ბრალს თერჯოლის ყოფილ დეპუტატს ზურაბ ბუცხრიკიძეს სდებს. იგი არჩევნებში „ნაციონალური მოძრაობიდან“ ზესტაფონის მაჟორიტარ დეპუტატობაზე იყრიდა კენჭს. მოსახლეობის განცხადებით, საარჩევნო ხმების სანაცვლოდ ზურაბ ბუცხრიკიძემ მოსახლეობას ტყეში ხეების ჭრის უფლება მისცა.
აღსანიშნავია, რომ სატყეო სამსახურსს ხეების ჭრასთან დაკავშირებით არანაირი ნებართვა არ გაუცია. იმერეთის ტყის მთავარმა მეტყევემ ვახტანგ დარახველიძემ განაცხადა, რომ აღნიშნულ საკითხთან დაკავშირებით შეტყობინება არ მიუღიათ. თუმცა, უნებართვო ჭრა კანონით ისჯება.
მარი ტაბიძე, თერჯოლა