14 დეკემბრს ზესტაფონში გამგებლის მოვალეობის შემსრულებლად „ქართული ოცნების“ წევრი ნუგზარ ქამუშაძე დაინიშნა. ქამუშაძე წინასაარცევნო კამპანიაში აქტიურად იყო ჩართული, რომელიც „ქართული ოცნების“ მხარდამჭერი იყო. იგი გამგებლის პოსტზე მუშაობას 17 დეკემბრიდან შეუდგება.
ქამუშაძე აცხადებს, რომ დაკისრებულ მოვალეობას თავს კარგად გაართმევს და შეძლებს, რაიონი განავითაროს. პირველ ეტაპზე იგი მუნიციპალიტეტის სოციალური და ეკონომიკური საკითხებით დაინტერესდება.
რაც შეეხება კადრებს, რომლებიც წინა ხელისუფლების დროს მუშაობდნენ, ქამუშაძე მათ განთავისუფლებაზე ამ ეტაპზე არ საუბრობს. თუმცა, აცხადებს, რომ მათ მიმართ დამოკიდებულება ისეთივე იქნება, როგორი პოლიტიკაც სხვა რეგიონებში ჩამოყალიბდება.
მარი ტაბიძე, ზესტაფონი