ჩოხატაურის გამგებელი გადადგა

ლელა იმედაშვილი ჩოხატაურის გამგებლად გასულ წელს დაინიშნა, როცა ამ თანამდებობიდან ბახმაროს სკანდალის გამო წასული მამუკა დოლიძე შეცვალა. გამგებლობამდე იგი ოზურგეთის საგანმანათლებლო რესურს-ცენტრის ხელმძღვანელი იყო. 

25 დეკემბერს ლელა იმედაშვილმა ჩოხატაურის გამგებლობიდან ნებაყოფლობით გადადგომის თაობაზე განცხადება დაწერა. 

ლელა იმედაშვილი ჩვენთან საუბარში არ ადასტურებს გავრცელებულ ინფორმაციას „ქართული ოცნების“ მხრიდან ზეწოლის თაობაზე. იგი ამბობს, რომ არანაირ ზეწოლას ადგილი არ ჰქონია და საკუთარი განცხადების საფუძველზე, პირადი სურვილით წავიდა თანამდებობიდან. 

იმედაშვილმა ასევე განაცხადა, რომ ჯერჯერობით, არ გეგმავს კარიერის სადმე გაგრძელებას და სახლში დიასახლისის როლს ეჩვევა. თუმცა, გამორიცხული არაფერია. 

ამ ეტაპზე ჩოხატაურის გამგებლის მოვალეობის შემსრულებლად საკრებულოს წევრთა თანხმობით, საკრებულოს თავმჯდომარემ „ქართული ოცნების“ წევრი თამაზ  ჯინჭარაძე დაამტკიცა.

ნინო მშვიდობაძე, გურია