მოსამართლეები პოლიტიკისგან უნდა გათავისუფლდნენ - აცხადებენ საპარლამენტო უმრავლესობაში

„უზენაესი სასამართლო პოლიტიკისგან თავისუფალი უნდა იყოს“ - ამ ინიციატივით საპარლამენტო უმცირესობა გამოდის. 27 დეკემბერს საკანონმდებლო ორგანოში მეორე მოსმენით „საერთო სასამართლოების შესახებ“ კანონში შესატანი ცვლილებების ის ნაწილი განიხილეს, რომელიც უზენაესი სასამართლოს მოსამართლეების დანიშვნა-გათავისუფლების საკითხს ეხება.

უმრავლესობის წევრის ირინა იმერლიშვილის განმარტებით: „უზენაესი სასამართლოს მოსამართლეებს არა იუსტიციის უმაღლესი საბჭო, არამედ საკანონმდებლო ორგანო უნდა ნიშნავდეს და ათავისუფლებდეს. ამით სასამართლო გახდება სამართლიანი და დაიბრუნებს ნდობას საზოგადოების მხრიდან“.

ინიციატივას მიესალმება როგორც მთავარი პროკურატურა, ასევე, იუსტიციის სამინისტრო. უზენაესი სასამართლოს თავმჯდომარის კონსტანტინე კუბლაშვილის განცხადებით კი: „ეს არის მორიგი პოლიტიკური თავდასხმა ახალი მთავრობის მხრიდან და ჩარევა სასამართლოს დამოუკიდებლობაში“.

„ამ ინიციატივის ავტორები აცხადებენ, რომ ამით სურთ მიიღონ გამართული, სამართლიანი მართლმსაჯულება. სინამდვილეში კი, ცდილობენ სასამართლო იყოს „ქართული ოცნების“ დაქვემდებარებაში“, - აცხადებენ საპარლამენტო უმცირესობის წევრები.

შორენა კაკაბაძე, ქუთაისი