შეამოწმებენ თუ არა „ჯუსტანს“

წყალტუბოს მუნიციპალიტეტის სოფელ ოფურჩხეთში შპს „ჯუსტანი“ ქვის მოპოვებას უკვე რამდენიმე თვეა  აწარმოებს.  კარიერი დასახლებულ პუნქტთან რამდენიმე მეტრში მდებარეობს. მოსახლეობა აცხადებს, რომ დაცული არ არის უსაფრთხოების ნორმები,  ბინძურდება სასმელი წყალი და საფრთხე ექმნება გზას.

სპეციალისტების თქმით, დარღვეულია კანონი ნიადაგის დაცვის შესახებ და ხელოვნურადაა შექმნილი მეწყერსაშიში ზონა. 

წიაღის მართვის დეპარტამენტში კი აცხადებენ, რომ შპს „ჯუსტანს“ ლიცენზია ეკონომიკის სამინისტროს მიერ 20 წლის ვადით აქვს მინიჭებული და ვინაიდან დოკუმენტები წესრიგში აქვს, გეგმიური შემოწმების  ჩატარება არ იგეგმება

მარი ტაბიძე, წყალტუბო