17 იანვარს ჭიათურაში გაერთიანებული წყალმომარაგების კომპანიის თანამშრომლების ნაწილი გაიფიცა. ისინი ხელფასების მომატებას და სამუშაო პირობების გაუმჯობესებას ითხოვენ. ამ დროისთვის ჭიათურის მოსახლეობის ნაწილს და „ჭიათურმანგანეზის“ მაღაროებს წყალი არ მიეწოდება.
„სამუშაოს შესრულებისას ჩვენი უსაფრთხოება არ არის დაცული, ელექტრო ენერგიის სადენები ძირს არის დაყრილი და ჩამრთველ აპარატთან მისასვლელად წყალში ფეხით უნდა გავიაროთ. აქ არსებული მდგომარეობის შესახებ რამდენჯერმე ვაცნობეთ ხელმძღვანელობას, თუმცა ამით არაფერი შეცვლილა“. - აცხადებენ გაფიცული თანამშრომლები.
ჭიათურის წყალმომარაგების სერვის ცენტრის მენეჯერი გიგა კიპაროიძე აცხადებს: „კომპანიის ის თანამშრომლები არიან გაფიცულები, რომლებიც “ჭიათურმანგანეზის“ წყალმომარაგების ობიექტს ემსახურებიან. მე მათ აუცილებლად შევხვდები და გაფიცვის მიზეზებს დაწვრილებით შევისწავლი“.
თანამშრომლები გაფიცვის შეწყვეტას მანამ არ აპირებენ, სანამ მათი მოთხოვნები არ დაკმაყოფილება.
მარი ტაბიძე, ჭიათურა
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
