თერჯოლაში მოსახლეობა ადგილობრივი ხელისუფლების შეცვლას ითხოვს

20 იანვარს თერჯოლის ცენტრში ადგილობრივი ხელისუფლების შეცვლის მოთხოვნით აქცია გაიმართა.  აქციის ასამდე მონაწილე ახალი ხელისუფლებისგან რეაგირებას ითხოვდა.

„თერჯოლაში 20 წელია არაფერი შეცვლილა. თუმცა გვეგონა, რომ „ქართული ოცნება“ ჩვენთვის რაიმეს მაინც გააკეთებდა. ამ რაიონს არც გამგებელი ყავს და არც საკრებულოს თავჯდომარე, ხალხი მათ არსებობას ვერ გრძნობს, რადგან ხალხისთვის ამდენი წლის მანძილზე არაფერი გაუკეთებიათ.“ - აცხადებდნენ აქციის მონაწილეები.

თერჯოლის  საკრებულოს თავმჯდომარე ტარიელ ფანჩულიძე გადადგომას არ აპირებს რადგან, მისივე თქმით, ამ თანამდებობაზე მისი დარჩენა-არდაჩენის საკითხი საკრებულოს გადასაწყვეტია და არა აქციის მონაწილეების.

მარი ტაბიძე, თერჯოლა