წყალტუბოს მუნიციპალიტეტის სოფელ ხომულის მოსახლეობას მაჟორიტარ დეპუტატთან, აკაკი ბობოხიძესთან შეხვედრა სურს. ისინი ბობოხიძისგან წინასაარჩევნოდ მიცემული დაპირების შესრულებას მოითხოვენ.
სოფელ ხომულის მოსახლეობას რამდენიმე წელია სასმელი წყლის პრობლემა აქვს. ასევე, სოფელს არ აქვს ბუნებრივი აირი და მოუწესრიგებელია სოფლის შიდა გზის საფარი.
„რამდენიმე წელია გვპირდებიან ბუნებრივი აირის შემოყვანას სოფელში, მაგრამ უშედეგოდ. ასევე სოფელს სასმელი წყალი არ აქვს და ყურადღებას არავინ გვაქცევს. ბობოხიძე წინასაარჩევნოთდ ამ პრობლემების მოგვარებას დაგვპირდა, მაგრამ არჩევნების მერე თვალითაც არ გვინახავს.“ _ აცხადებენ ადგილობრივები.
მოსახლეობის განმარტებით, მათ პრობლემების მოგვარების თხოვნით ადგილობრივ ხელისუფლებასაც რამდენჯერმე მიმართეს, თუმცა უშედეგოდ.
მარი ტაბიძე, წყალტუბო
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
