ქუთაისში მოქმედი არასამთავრობო ორგანიზაცია "განათლების განვითარებისა და დასაქმების ცენტრი" ახალი პროექტის "მოსახლეობის ფორუმი სამოქალაქო ჩართულობისთვის" განხორციელებას იწყებს. პროექტის მიხედვით, ქუთაისში არსებული პრობლემების განხილვასა და საბოლოოდ გადაწყვეტაში ადგილობრივ ხელისუფლებასთან ერთად მოქალაქეებიც მიიღებენ მონაწილეობას.
„ამ პროექტის ფარგლებში რიგითი ქუთაისელები თავად გამოავლენენ და დასვამენ ქალაქში არსებულ პრობლემებს. საბოლოო ჯამში კი, ადგილობრივი თვითმმართველობის წარმომადგენლებთან ერთად ჩაერთვებიან კონკრეტული საკითხების მოგვარების პროცესში", - აცხადებს ქუთაისის "განათლების განვითარებისა და დასაქმების ცენტრის" ხელმძღვანელი ლიკა კილაძე. მისი განმარტებით, პროექტის ფარგლებში, ამ პროცესში 100 ადგილობრივი მოქალაქე ჩაერთვება, რომლებიც ქუთაისის თორმეტივე მუნიციპალური ორგანოდან შეირჩევა.
არასამთავრობო ორგანიზაციის პროექტს ადგილობრივი თვითმმართველობის წარმომადგენლებიც მიესალმებიან: „მსგავსი პროექტები გაააქტიურებს როგორც მოქალაქეებს, ასევე - ადგილობრივი ხელისუფლების წარმომადგენლებს“. ამბობს, ქუთაისის საკრებულოს თავმჯდომარე მერაბ მეშველიანი
ქუთაისის მერიასა და საკრებულოში, არასამთავრობო ორგანიზაციასთან თანამშრომლობის სრულ მზაობას გამოხატავენ.
შორენა კაკაბაძე, ქუთაისი
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
