4 თებერვალს ხონში „ქართული ოცნების“ წევრმა ნიკა სანოძემ მედიისთვის პრესკონფერენცია გამართა. მან პარლამენტარ დავით საგანელიძის მიერ სატელევიზიო ეთერში მისი მისამართით გამოთქმულ ბრალდებებს უპასუხა.
„ბატონი საგანელიძე არღვევს პარტიის წესდების მე-12 მუხლის მეოთხე და მეხუთე პუნქტებით გათვალისწინებით მოვალეობებს. მის მიერ გაკეთებული განცხადებების ფონზე ის გარიცხული უნდა იყოს პარტიიდან. რადგან მას არავიათარი უფლება არ აქვს ვინმეს გარიცხვა სატელევიზიო ეთერით ერთპიროვნულად გადაწყვიტოს. საგანელიძის განცხადება აბსურდია და სრულიად ავადმყოფური.“ - განაცხადა ნიკა სანოძემ.
ნიკა სანოძე „ქართული ოცნების“ პოლიტსაბჭოს წევრებს და პარტიის თავმჯდომარეს, მანანა კობახიძეს ხონში „ქართული ოცნების“ პარტიაში არსებულ ვითარებაში გარკვევისაკენ მოუწოდებს.
მარი ტაბიძე, ხონი