6 თებერვალს ზესტაფონის საკოლმეურნეო ბაზრის მოვაჭრეებმა ქუთაისში პარლამენტის წინ აქცია გამართეს. ისინი ზესტაფონის საკოლმეურნეო ბაზრის ფუნქციონირების შენარჩუნებას ითხოვენ. ზესტაფონელი მოვაჭრეები პრობლემის მოგვარებას უკვე რამდენიმე თვეა ითხოვენ. თუმცა ამ ეტაპზე ისინი დახმარებას პრემიერ მინისტრისგან ბიძინა ივანიშვილისგან ითხოვენ.
„ჩვენ მოვითხოვთ, რომ პრემიერი ჩვენი პრობლემებით დაინტერესდეს და მის მოგვარებაში დაგვეხმაროს, რადგან ადგილობრივი ხელისუფლების წარმომადგენლებმა ძმებ სამადაშვილებთან, ბაზრის მფლობელებთან ამ საკითხზე შეთანხმებას ვერ მიაღწიეს.“ _ აცხადებდნენ მოვაჭრეები.
აღნიშნული მოთხოვნით მოვაჭრეებმა 800 ხელმოწერაც შეაგროვეს. ამ ეტაპზე აგრარულ ბაზართან დაკავშირებით გამოძიება მიმდინარეობს, თუმცა მოვაჭრეების თქმით, იმის იმედი არა აქვთ, რომ გამოძიება სწორად წარიმართება.
მარი ტაბიძე, ზესტაფონი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
