11 თებერვალს საქართველოს პრეზიდენტი მიხეილ სააკაშვილი ბაღდათში იმყოფებოდა. შეხვედრას იმერეთის გუბერნატორი ვახტანგ ბალავაძე და პარლამენტის წევრი გიორგი თევდორაძეც ესწრებოდნენ.
ბაღდათის ადგილობრივი ხელისუფლების განმარტებით, სამუსიკო სკოლის სააქტო დარბაზში პრეზიდენტი ბაღდათის მოსახლეობასაც შეხვდა. თუმცა პრეზიდენტთან შესახვედრად თავიანთი ინიციატივით მისული ადგილობრივი მოსახლეობა დარბაზში არ შეუშვეს. ბაღდათელების თქმით, პირები რომლებიც დარბაზში პრეზიდენტთან ერთად იმყოფებოდნენ, ადგილობრივები არ იყვნენ.
შეხვედრაზე დასწრების უფლება არც მედიის წარმომადგენლებს მისცეს. შეხვედრის დასრულების შემდეგ, მონაწილეებს კომენტარი არ გაუკეთებიათ. ამდენად, უცნობია რა საკითხებზე იმსჯელეს პრეზიდენტმა და დარბაზში შეკრებილებმა.
მარი ტაბიძე, ბაღდათი