20:44, Saturday, 30.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რუსთაველი მეტალურგების პროტესტი

19.02.2013

მანონ ბოკუჩავა, ქვემო ქართლი

გასულ კვირას, რუსთავის მეტალურგიული ქარხანა სს ,, ქართული ფოლადი“ მედიის ყურადღების ცენტრში აღმოჩნდა. დაახლოებით 200-მდე მეტალურგი შრომითი პირობების გაუმჯობესების მოთხოვნით საწარმოს ადმინისტრაციულ შენობასთან შეიკრიბა. მათი პირველი მოთხოვნა ხელფასების დროული დარიგება და 8 საათიან სამუშაო გრაფიკზე გადასვლის შეჩერება იყო. ასევე, მეტალურგები ითხოვდნენ დაიდოს ახალი ხელშეკრულება მათსა და დამსაქმებელს შორის, სადაც დეტალურად გაიწერება როდის მიიღებენ და რა სახით ანაზღაურდება მათი შვებულებები. გარდა ამისა, ერთ-ერთი მოთხვნის მიხედვით , საწრმოო ტრავმების შემთხვევაში მეტალურგებს  ხარისხიანი სამედიცინო დახმარება უნდა გაეწიოთ. მათი ნაწილის თქმით, ხშირად გარკევული ტრავმებით მისულებს სამედიცინო დაწესებულაში იმავე დღეს არ იღებენ და 2-3 დღის შემდეგ იბარებენ.

,, ჩვენ რამდენიმე პრობლემა და მოთხოვნა გვაქვს, თუმცა უმთავრესი შრომითი პირობების გაუმჯობესება და ხელფასების დროული დარიგებაა. ხალხი ვერ დაელოდება ერთი კვირა ხელფასის აღებას, რადგან სესხები აქვთ დასაფარი. ასევე, გადასახდელი გვაქვს კომუნალური გადასახადები. მეორე მოთხოვნაა  შეჩერდეს 8 საათაინ სამუშაო გრაფიკზე გადასვლა“, - საუბრობდა, საწარმოს თანამშრომელი, როლანდ კილაძე.

მეტალურგების დასახმარებლად  გაერთიანებული პროფკავშირების წარმომადგენელი, ლავრენტი ალანიაც მივიდა. აქციის ორგანიზატორებთან ერთად ალანია საწარმოს მმართველს,  ფარუხ სადიკს შეხვდა. მოლაპარაკებებიდან გამოსული ალანია აცხადებდა, რომ საწარმოს ხელმძღვანელობა განიხილავს ხელფასების 10%-ზრდის საკითხს.

,,აცხადებენ, რომ ხელფასების 20 % ზრდას, როგორც თქვენ ითხოვდით ვერ შეძლებენ. ასევე, მათი თქმით, 8 საათიანი სამუშაო გრაფიკზე გადასვლის შემთხვევაში თქვენს ტრანსპორტირებას თავად უზრუნველყოფენ“, - მიმართა ალანიამ აქციის მონაწილეებს.

თავად  საწარმოს მმართველი მუშებს სამუშაო ადგილებზე დაბრუნებისკენ მოუწედებდა და აცხადებდა, რომ ხელფასების ზრდა ვერ მოხდება, თუ არ იმუშავებ. ასევე, მისი თქმით, 8 საათიანი სამუშაო გრაფიკის შემოღება გადაწყდა, რადგან 12 საათი მუშამ ფოლადსადნობში  გავარვარებულ ღუმელებთან შეუძლებელია ხარისხიანად იმუშაობს.

საბოლოოდ დღის ბოლოს აქცია დაიშალა. მეტალურგებმა პირობი მიიღეს, რომ დროებით შეჩერდება მათი 8 საათიან სამუშაო გრაფიკზე გადაყვანა, ასევე დროულად ჩაერიცხებათ ხელფასები. ,, ჩვენ ველით, რომ განიხილავთ  ჩვენს დანარჩენ მოთხოვნებს, რაც შვებულებებს, ხელფასების ზრდას  და ხარისხიან სამედიცინო მომსახურებას ეხება. ასევე, ვითხოვთ საწრმოო ტრავმების შემთხვევაში შესაბამის კომპენსაციებს. თუ ეს მოთხოვნები არ დაკმაყოფილდება გაფიცვა კვლავ გამოცხადდება“, - უხსნიდნენ  მეტალურგები საწარმოს მმართველს.

სხვადასხვა საამქროებში მომუშავე მეტალურგების განსაკუთრებული მოთხოვნაა, რაც შეიძლება სწრაფად გაიზარდოს მეფოლადეების ანაზაღაურება, რადგან ისინი  ჯამრთელობისთვის  რისკის შემცველ სამუშაოს ასრულებენ. მეტალურგების განცხადებით მათ საწარმოში უკვე, დიდი ხანია ანაზღაურება შრომის შესაბამისი არ არის და ეს უნდა გამოსწორდეს.

Print Send to Friend Send to Facebook Tweet This
სახელი: Marina
2013-03-19 17:45
charming, but siglne is mistaken just because you share a bed with someone doesn't mean you have to share the blankets. my partner and i both have our own fleece blankets (used as a top sheet), and on top of those he has a big comforter and i have my electric blanket. it's tough to get that perfectly made-up bed look this way (we just pull the blankets up and leave them like that during the day) but it's totally worth not having to fight over the covers.my own blankets AND a warm man in the bed best of both worlds.
სახელი: Yury
2013-03-19 17:45
What a great post and so true. I think people deeifitnly have a mental image they associate with female bloggers. And that image couldn't be further from the truth in many cases. There are as many types of bloggers as there are ice creams =)And to echo others, thanks for including me in here and will deeifitnly have to check out the others. Ahhhhh the upside of NaBloPoMo!
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC