17:34, Tuesday, 22.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ოთხი თვის ორსული სამსახურიდან გაათავისუფლეს

22.02.2013
ოთხი თვის ორსული ელენე ბერძენიშვილი სამსახურიდან გაათავისუფლეს.  იგი თელავის მუნიციპალიტეტის გამგეობაში იურიდიული სამსახურის სპეციალისტად მუშაობდა.  ოფიციალურ ბრძანებაში მითითებულია რომ მისი დათხოვნის მიზეზი შტატების შემცირება იყო. თუმცა, კანონში საჯარო სამსახურის შესახებ წერია, რომ  „მოხელე (ქალი) არ შეიძლება განთავისუფლდეს სამსახურიდან ორსულობის ან ბავშვის 3 წლის ასაკამდე აღზრდის პერიოდში შტატების შემცირების, ხანგრძლივი შრომისუუნარობის ან ჯანმრთელობის მდგომარეობის, აგრეთვე ატესტაციის შედეგების გამო“.

ელენე ბერძენიშვილი თელავის მუნიციპალიტეტის გამგეობაში 2013 წლის 21იანვრამდე მუშაობდა. როგორც მან ადამიანის უფლებათა ცენტრთან საუბრისას აღნიშნა, გათავისუფლების შემდეგ განცხადებით მიმართა გამგებლის მოვალეობის შემსრულებელ ზურაბ ყურაშვილს სამსახურში აღდგენის მოთხოვნით. პასუხად კი მიიღო, რომ ადმინისტრაცია ინფორმირებული არ იყო მისი ორსულობის შესახებ.

„ყველამ კარგად იცოდა, რომ ორსულად ვიყავი, რადაგან მუცელი შესამჩნევად მეტყობა. ამავე დროს კანონიც არ მავალდებულებს არავითარი დოკუმენტაციის წარდგენას დეკრეტამდე“, – განაცხადა ელენე ბერძენიშვილმა.

თელავის მუნიციპალიტეტის გამგეობის იურიდიული სამსახურის უფროსის, ლევან ბერძენაშვილის თქმით, მან არ იცოდა ელენე ბერძენიშვილის ორსულობის შესახებ. თუმცა, იგი გამორიცხავს მის სამსახურში აღდგენას შესაბამისი დოკუმენტაციის წარდგენის შემთხევაშიც.

ელენე ბერძენიშვილმა თელავის რაიონულ სასამართლოს უკვე მიმართა და  იქ ეცდება საკუთარი სიმართლის დამტკიცებას.

მიხეილ მამალაშვილი, კახეთი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC