08:09, Monday, 09.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გია გვიჩიანისა და ნიკა ჩემიას ადვოკატები სააპელაციო სასამართლოში საჩივარს შეიტანენ

19.03.2013
სააპელაციო სასამართლოში დღეს, „თელასის“ მენეჯერის, ნიკა ლომინაძის მკვლელობისთვის გასამართლებული გია გვიჩიანისა და ნიკა ჩემიას ადვოკატები საჩივარს შეიტანენ. როგორც გვიჩიანის ადვოკატმა, ირმა ჭკადუამ განაცხადა, ადვოკატები ასაჩივრებენ თბილისის საქალაქო სასამართლოს გადაწყვეტილებას, რომლის საფუძველზეც ნიკა ჩემიასა და გია გვიჩიანს უვადო პატიმრობა მიესაჯათ.

ჭკადუას ინფორმაციით, საჩივარი ახალი გარემოებებიდან გამომდინარე იწერება, რაც გულისხმობს სისხლის სამართლის საქმეში დნმ-ის პასუხის დამალვას პროკურატურის მხრიდან, ასევე, მოწმეთა შეცვლილ ჩვენებებს.

„მკვლელობის ადგილას დნმ-ს დასკვნა, რომელიც ამერიკაში ჩატარდა, დამალული იყო, მაშინდელი გენერალური პროკურატურის მიერ. ეს ახალ გარემოებას წარმოადგენს, ისევე როგორც ჩვენებების შეცვლა. ადამიანებმა თქვეს, რომ ჩვენებები ზეწოლის შედეგად მისცეს, მაგრამ ჩვენთვის მთავარი არგუმენტია დნმ-ს ანალიზი, რომელიც პრაქტიკულად ყირაზე აყენებს ამ საქმეს. საჩივრით, ახალი გარემოებებიდან გამომდინარე საქმის გადახედვას, ობიექტური გადაწყვეტილების მიღებას და გია გვიჩიანისა და ნიკა ჩემიას გათავისუფლებას მოვითხოვთ“, - განაცხადა ირმა ჭკადუამ.

გვიჩიანის საქმესთან დაკავშირებით, გენერალურმა პროკურატურამ 2013 წლის იანვარში განცხადებაც გაავრცელა, სადაც საუბარია საქმეში ამერიკაში ჩატარებული დნმ-ს დასკვნის გაუთვალისწინებლობაზე.

„ამერიკის შეერთებული შტატების ფედერალური ბიუროს საექსპერტო დაწესებულებიდან საქართველოს მთავარ პროკურატურაში ამ ეტაპზე გაურკვეველ დროს შემოსულია 2006 წლის 7 სექტემბრით დათარიღებული დასკვნა, რომლის მიხედვითაც მკვლელობის ადგილიდან ამოღებული თითის ორი ანაბეჭდი არ წარმოადგენს მკვლელობის შემსრულებელთა - ნიკა ჩემიას, ავთანდილ ხერკელაძის, გიორგი პაპაჩაშვილის და ნოდარ გვიჩიანის თითის ანაბეჭდებს. არც აღნიშნული დასკვნა არ დაერთო სისხლის სამართლის საქმეს და არ წარდგენილა თბილისის სააპელაციო სასამართლოში, რომელმაც 2007 წლის აპრილის განაჩენით ძალაში დატოვა პირველი ინსტანციის სასამრთლოს განაჩენი“, - აღნიშნულია პროკურატურის განცხადებაში.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC