05:53, Wednesday, 16.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ციხისძირში მომხდარ ინციდენტს ბათუმისა და ლაზეთის ეპარქია, ასევე სრულიად საქართველოს მუსლიმთა სამმართველო ეხმაურება

17.04.2013

ინტერპრესნიუსი

საქართველოს მართლმადიდებლური ეკლესიის ბათუმისა და ლაზეთის ეპარქია ციხისძირში სამხედროებსა და ადგილობრივებს შორის მომხდარი ინცინდენტის გამო მწუხარებას გამოთქვამს. განცხადებას, რომელიც ეპარქიის ოფიციალურ ვებგვერდზე განთავსდა.

განცხადებას "ინტერპრესნიუსი" უცვლელად გთავაზობთ: "მწუხარებას გამოვთქვამთ 14 აპრილს, ციხისძირსა და ქობულეთში მომხდარი ინციდენტის გამო, სადაც ნასვამ მდგომარეობაში მყოფმა რამდენიმე სამხედრო პირმა, რელიგიურ ნიადაგზე, ფიზიკურ შეურაცხყოფა მიაყენა ადგილობრივ მოსახლეობას. არიან დაშავებულები. სამწუხაროა, რომ ადამიანები, რომლებიც ჩვენს უსაფრთხოებას უნდა იცავდნენ, თავად ხდებიან მსგავსი ინციდენტის მიზეზი. შეშფოთებას გამოვთქვამთ, ბოლო პერიოდში რელიგიურ ნიადაგზე გახშირებული დაპირისპირების გამო, რაც, ჩვენი აზრით, ინსპირირებულია ქვეყნის არაკეთილმოსურნეთა მიერ. იმედს გამოვთქვამთ, რომ მსგავსი ექსცესები აღარ განმეორდება, რადგან რელიგიურ დაპირისპირება გამოიწვევს ქვეყანაში უმართავ პროცესებს და ჩვენი ქვეყნის მომავალს საფრთხეს შეუქმნის".

სოფელ ციხისძირში მომხდარ ინცინდენტს სრულიად საქართველოს მუსლიმთა სამმართველოც ეხმაურება. მუსლიმთა სამმართველოს განცხადება "ფეისბუქის" ოფიციალურ ვებგვერდზე განთავსდა , რომელსაც "ინტერპრესნიუსი" უცვლელად გთავაზობთ: "სრულიად საქართველოს მუსლიმთა სამმართველო ღრმა შეშფოთებას გამოთქვამს კვირას, საღამოს, ქობულეთის რაიონის სოფელ ციხისძირში მომხდარი ინციდენტის გამო, სადაც სოფელში სტუმრად მყოფმა სამხედრო პირებმა რელიგიური ნიშნით ფიზიკური შეურაცხყოფა მიაყენეს სოფლის რამდენიმე მკვიდრს.

საქართველო მრავალეროვნული და მრავალეთნიკური ქვეყანაა, სადაც საუკუნეების მანძილზე ძმურად, მეგობრულად, ურთიერთსიყვარულით და ურთიერთპატივისცემით ხელიხელჩაკიდებული ცხოვრობდნენ სხვადასხვა ეროვნებისა თუ აღმსარებლობის ადამიანები და არ ყოფილა არც ერთი შემთხვევა რელიგიური დაპირისპირების. ვფიქრობთ დღეს, ეს არის მავანთა მცდელობა ჩამოაგდოს შუღლი და მტრობა სხვადასხვა აღმსარებლობის ქართველ ძმებს შორის, რაც, ეჭვგარეშეა მარცხისთვისაა განწირული, რამეთუ გარკვეული ინდივიდების, თუნდაც საჯარო მოხელეების, შეუსაბამო საქციელი არ და ვერ იქნება მთლიანად ქვეყნის და ერის პოზიცია.

სრულიად საქართველოს მუსლიმთა სამმართველო გმობს აღნიშნულ, ყოვლად გაუმართლებელ, სამარცხვინო ფაქტს და მომხდართან დაკავშირებით მოითხოვს სამართალდამცავმა სტრუქტურებმა ჩაატარონ ობიექტური გამოძიება და დამნაშავეები დასჯილი იქნენ კანონის სრული სიმკაცრით. აქვე, გვინდა მადლობა გადავუხადოთ საქართველოს თავდაცვის სამინისტროს, რომელმაც მომხდართან დაკავშირებით მოახდინა დროული რეაგირება და როგორც ჩვენთვის გახდა ცნობილი, ინციდენტში მონაწილე ყველა საჯარო მოხელე გაათავისუფლა დაკავებული თანამდებობიდან".

14 აპრილს გვიან საღამოს სოფელ ციხისძირში სამხედრო პოლიციის თანამშრომლებსა და ადგილობრივ მოსახლეობას შორის ინცინდენტი მოხდა. როგორც ციხისძირში მცხოვრები ლევან მესხიძე იხსენებს, მეუღლესთან ერთად მანქანით სახლში ბრუნდებოდა, რა დროსაც, სამხედრო პოლიციის თანამშრომლებმა გააჩერეს და გაჩხრიკეს. როგორც მესხიძე ამბობს, სამხედროებს აინტერესებდათ, მას და მის მეუღლეს ჯვარი თუ ჰქონდათ. მესხიძის თქმით, სამხედროები დაემუქრნენ, თუ ქრისტიანი არა იყო, მაშინ შუბლს გაუხვრეტდნენ.

ინციდენტის შესახებ სოფელ ციხისძირის სხვა მცხოვრებლებიც საუბრობენ. ისინი აღნიშნავენ, რომ გვიან ღამით სამი გასროლის ხმა გაიგეს. ამასთან, მოსახლეობა აღნიშნავს, რომ სამხედროებმა შვიდ ადგილობრივს მიაყენეს ფიზიკური და სიტყვიერი შეურაცხყოფა.

ამასთან, ციხისძირში მომხდარის გამო, საქართველოს თავდაცვის მინისტრმა სენაკის სამხედრო პოლიციის უფროსი და რამდენიმე სამხედრო პირი სამსახურიდან დაითხოვა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC