12:02, Monday, 17.02.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ბრალდებული პოლიციის შენობის წინ ხელყუმბარის აფეთქებას უარყოფს

29.04.2013

საბა წიწიკაშვილი, შიდა ქართლი

2013 წლის 18 თებერვალს, შუადღით, კასპის პოლიციის შენობასთან აფეთქება მოხდა. პოლიციამ დაახლოებით საღამოს 18:00 საათზე ქალაქის ერთ-ერთ ქუჩაზე მიმავალი 29 წლის დავით გაბოძე დააკავა. ხელბორკილებდადებულმა ეჭვმიტანილმა პოლიციის შენობასთან შეკრებილ ჟურნალისტებს გვითხრა, რომ წარმოდგენა არა აქვს რაზე დააკავეს. რამდენიმე საათში, მას ბრალი სწორედ იმ დღეს მომხდარ აფეთქებაში დასდეს.

როგორც ადამიანის უფლებათა ცენტრის გორის ოფისმა გაარკვია, დაკავებულს პროკურატურამ ბრალი სამი მუხლით, სისხლის სამართლის კოდექსის  273-ე, 236-ე და 353-ე მუხლების წაუყენა, რაც ერთობლიობაში საბრძოლო მასალის შენახვა, შეძენა, გასაღებას, ასევე პოლიციის მუშაკის მიმართ დაუმორჩილებლობას და, ასევე - პირადი მოხმარებისთვის ნარკოტიკული საშუალების დამზადება-შენახვას.

ბრალდებული თავს დამნაშავედ, მხოლოდ, 273-ე მუხლში, ნარკოტიკის მოხმარებაზე ცნობს.  დანარჩენ ორ მუხლში ის თავს დამნაშავედ არ ცნობს და აღნიშნავს, რომ  წარდგენილი ბრალდებები  უსამართლოა.  ბრალდებული იმასაც აღნიშნავს, რომ აფეთქებიდან რამდენიმე საათში მისი დაკავებისას, მის მიმართ პოლიციელებმა ფიზიკური ძალადობა მოახდინეს.

გაბოძის ინტერესებს ადვოკატი გოჩა გოჩიტაშვილი იცავს. ის საქმეში მოგვიანებით ჩაერთო და ამბობს, რომ დაკავებულის სხეულის ექსპერტიზა თავის დროზე არ ჩატარებია. აქედან გამომდინარე, ძალადობის ნიშნების დადგენა ამ ეტაპზე შეუძლებელია.

როგორც ირკვევა, პროკურატურას ორი მოწმე ჰყავს, ისინი პოლიციელები არიან. ორივე მოწმე უკვე სასამართლოს წინაშე წარსდგა და თავისი ჩვენებები ჩამოაყალიბეს.

გოჩა იორდანაშვილი ასე იხსენებს 18 თებერვლის აფეთქებას.

გოჩა იორდანაშვილი (კასპის რაიონული სამმართველოს უბნის ინსპექტორ გამომძიებელი): „დილით, შენობის წინ დავინახე, რამდენიმე ადამიანი იდგა. ორი პიროვნება ერთმანეთში საუბრობდა. ესენი იყვნენ დავით გაბოძე და ამირან მიხანაშვილი. ორივე იმ დღით გამომძიებელთან იყვნენ დაბარებულები ნარკოტიკის მოხმარების ფაქტზე, მაგრამ, როგორც ვიცი, ცალ-ცალკე იყვნენ დაბარებულები და იქ გამოელაპარაკნენ ერთმანეთს. რამდენიმე წუთში ამირან მიხანაშვილი შემოვიდა პოლიციის შენობაში. მიხანაშვილმა მე და ჩემს თანამშრომელს გვითხრა, რომ ის ადამიანი, ვისაც ესაუბრებოდა, ანუ დავით გაბოძე, ნასვამია და მეუბნება, გამოდი, ბიჭები გელოდებიანო. როგორც მიხანაშვილმა გვითხრა, თავის ასარიდებლად შენობაში შემოვიდა. ჩვენ ამ დროს გარეთ გავიხედეთ, დავინახეთ, თუ  როგორ გამოიქნია ხელი პოლიციის შენობისკენ და გაიქცა. რამდენიმე წამში აფეთქება მოხდა და მერე ვეღარაფერი დავინახეთ“.

დაახლოებით ანალოგიური განცხადება პოლიციის კიდევ ერთმა თანამშრომელმა ვასილ ბერიაშვილმა გააკეთა.

გაბოძის ინტერსების დამცველი გოჩა გოჩიტაშვილი პოლიციელებს შეეკითხა, ხელის გაქნევის პროცესში, ეკავა თუ არა რაიმე ნივთი გაბოძეს. პოლიციელებმა განაცხადეს, რომ მათ ეს არ დაუნახიათ. თუმცა, წინასწარი გამოძიების დროს მიცემულ ჩვენებაში აღნიშნეს, რომ გაბოძეს ხელყუმბარა ეკავა.

მიუხედავად იმისა, რომ პოლიციელებისთვის „თავიდანვე“ ცნობილი იყო ხელყუმბარის მფლობელის ვინაობა, იგი 2-3 საათის შემდეგ, „ხანგრძლივი ძებნის შემდეგ“ დააკავეს. გამოძიებას საქმეში ვიდეოთვალის ჩანაწერები არ უდევს. მთავარ მტკიცებულებად „ხელის გაქნევა“ რჩება.

ოფიციალური ჩანაწერებით, დავით გაბოძე იმ დღეს პოლიციაში არ იყო დაბარებული. ნარკოტიკების მოხმარებაზე ის მანამდე ორჯერ მართლაც ჰყავდათ დაბარებული - პირველად 21 იანვარს, ხოლო მეორედ - 13 თებერვალს. დაკავებულის მხარეს მიაჩნია, რომ ბრალდებულს იმ დღით არავითარი მოტივი გააჩნდა იმისათვის, რომ პოლიციის შენობისთვის რაიმე საბრძოლო ნივთი ესროლა.

პოლიცია ბრალდებულის მხრიდან დაზიანებული მანქანის და პოლიციის შენობის გარე ფასადის ზარალის ანაზღაურებასაც ითხოვს, რომელიც 2345 ლარს და 50 თეთრს შეადგენს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC