სახალხო დამცველს ლაფანყურის სპეცოპერაციის დროს გარდაცვლილთა ოჯახის წევრებმა ალტერნატიული სამედიცინო ექსპერტიზის ჩატარების თხოვნით მიმართეს
013 წლის 7 მაისს სახალხო დამცველს, ე.წ. ლაფანყურის სპეცოპერაციის დროს გარდაცვლილთა ოჯახის წევრებმა, სპეცოპერაციის შედეგად დაღუპულთა ცხედრებისთვის ალტერნატიული სამედიცინო ექსპერტიზის ჩატარების თხოვნით მიმართეს.
სახალხო დამცველი, ლაფანყურის სპეცოპერაციის დროს გარდაცვლილთა ოჯახის წევრების თხოვნის საფუძველზე შუამდგომლობით მიმართავს საქართველოს მთავარ პროკურატურასა და შინაგან საქმეთა სამინისტროს, რათა 2012 წლის აგვისტოს ბოლოს ყვარლის რაიონში, ლოპოტის ხეობაში, სოფელ ლაფანყურთან განხორციელებული სპეცოპერაციის შედეგად გარდაცვლილთა ცხედრებს ჩაუტარდეთ დამოუკიდებელი სამედიცინო ექსპერტიზა.
სახალხო დამცველს ალტერნატიული სამედიცინო ექსპერტიზის უსასყიდლოდ ჩატარების თაობაზე თანხმობა განუცხადა ერთ-ერთმა ცნობილმა დამოუკიდებელმა ექსპერტმა.
სახალხო დამცველი იმედოვნებს, რომ ფორმალური მიზეზებით არ მოხდება ალტერნატიული სამედიცინო ექსპერტიზის ჩატარების შეყოვნება/ან ხელის შეშლა და მთავარი პროკურატურისა და შსს-ს თანამშრომლები ყოველმხრივ შეუწყობენ ხელს ალტერნატიული სამედიცინო ექსპერტიზის ჩატარებას.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
