08:17, Friday, 30.10.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„რეზონანსის“ ჟურნალისტები ცესკოს გადაწყვეტილებას სასამართლოში გაასაჩივრებენ

14.05.2013


გაზეთი „რეზონანსი“ 13 მაისის ნომერში გაზეთის ჟურნალისტებსა და ცენტრალურ საარჩევნო კომისიას (ცესკო) შორის მიმდინარე დავაზე წერს. სტატიაში აღნიშნულია, რომ ნაძალადევის საოლქო საარჩევნო კომისიამ და ცესკომ „რეზონანსის“ ჟურნალისტების განცხადება არ დააკმაყოფილა. ჟურნალისტები ოქმის შედგენას ითხოვდნენ იმ პირების მიმართ, რომლებმაც კორესპონდენტებს 27 აპრილს შუალედურ არჩევნებზე პროფესიულ საქმიანობაში ხელი შეუშალეს და შეურაცხყოფა მიაყენეს.

„რეზონანსის“ ცნობით 27 აპრილს შუალედური არჩევნების მიმდინარეობისას ნაძალადევის რაიონში, 24-ე საარჩევნო უბანზე ყოფნის უფლების მქონე „რეზონანსის“ კორესპონდენტებს უბანზე ყოფნის უფლებისა და შესაბამისი მოწმობის მქონე პირებმა სიტყვიერი შეურაცხყოფა მიაყენეს.

ჟურნალისტებმა იმავე დღეს აღნიშნულ ფაქტთან დაკავშირებით, საქართველოს ორგანული კანონის - „საქართველოს საარჩევნო კოდექსის“ 91-ე მუხლის საფუძველზე, ადმინისტრაციულ სამართალდარღვევათა ოქმის შედგენა მოითხოვეს.

ამ მოთხოვნით მათ ჯერ N9 საოლქო საარჩევნო კომისიას მიმართეს, შემდეგ კი 10 მაისს ცენტრალურ საარჩევნო კომისიას, თუმცა ჟურნალისტების მოთხოვნა არ დაკმაყოფილდა. მათ ცესკოში განუმარტეს, რომ აღნიშნული ფაქტი მოხდა უბნის გარეთ, რის გამოც ადმინისტრაციული საჩივარი ვერ შედგებოდა.

გაზეთ „რეზონანსის“ ინფორმაციის მიხედვით, ცესკოში გამართულ სხდომაზე „რეზონანსის“ ჟურნალისტების ადვოკატი, ახალგაზრდა იურისტთა ასოციაციის იურისტი ქეთევან კრაწაშვილი არ დაუშვეს.

„რეზონანსი“ ცესკოს გადაწყვეტილების გასაჩივრებას სასამართლოში გეგმავს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC