გუშინ, წალკიდან დაბრუნებულმა ეკომიგრანტებმა ბათუმის მერიასთან აქცია გამართეს. სამარშუტო ტაქსები, რომლითაც ისინი ბათუმში დაბრუნდნენ, „სითი პარკმა“ 10-10 ლარის ოდენობით დააჯარიმა. მათი მოთხოვნა აღნიშნული ჯარიმის გაუქმება იყო.
ეკომიგრანტების თქმით, მათი აქცია აჭარის მთავრობის შენობასთან ნებადართული იყო და იმ ტერიტორიაზე სამარშუტო ტაქსების გაჩერების უფლება საპატრულო პოლიციამ დართო. მას შემდეგ რაც მათ ჯარიმის შესახებ შეიტყვეს, აჭარის მთავრობის სახლიდან აქციით მერიასთან გადაინაცვლეს.
„ბათუმში დახმარების სათხოვნელად ჩამოვედით. წალკაში, იმ სახლებში რომელშიც ვცხოვრობდით, ბერძნები დაბრუნდნენ. დახმარების ნაცვლად მანქანებზე ათლარიანი ჯარიმები აგვიკრეს. მაშინ როცა პატრულმა დაგვაყენა იქ. რა გამოვიდა, ერთმა დაგვაყენა, მეორემ დაგვაჯარიმა. რა ვქნათ, არ ვიცით. მერიას ვთხოვთ გაგვიუქმოს ეს ჯარიმა, ანდა კეთილი ინებოს და თვითონ გადაიხადოს. 9 მანქანა დააჯარიმეს, ჯამში 90 ლარია,“ - განაცხადა აქციის ერთ-ერთმა მონაწილემ, მევლუდ ვაშაყმაძემ.
აქციის შემდეგ, ბათუმის საკრებულოს იურისტმა სულიკო შვენთიძემ განაცხადა, რომ საკრებულომ გაითვალისწინა აქციის მონაწილეთა სოციალური მდგომარეობა და ჯარიმები გააუქმა.
აღსანიშნავია რომ ბათუმში პარკირება ფასიანია. ეკომიგრანტების ავტომანქანებს კი პარკირების საფასური გადახდილი არ ჰქონდათ.
მაკა მალაყმაძე
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
