თამთა თვალავაძე
ადამიანის უფლებათა ცენტრი ხელისუფლებას და საერთაშორისო ორგანიზაციებს მოუწოდებს, მაგამედ მაგამედოვის გაუჩინარების საქმით დაინტერესდეს. მაგამედოვი საქართველოში დაღესტნიდან 2012 წელს შემოვიდა და პოლიტიკური თავშესაფარი ითხოვა. ის თავშესაფრის მაძიებლად იყო დარეგისტირებული. მაგამედოვი 2013 წელს თბილისიდან გაუჩინარდა. მის შესახებ დღემდე არაფერია ცნობილი. ამ საკითხზე ადამიანის უფლებათა ცენტრში პრესკონფერენცია გაიმართა, სადაც მაგამედოვის ადვოკატმა, ადამიანის უფლებათა ცენტრის იურიდიული სამსახურის უფროსმა ნინო ანდრიაშვილმა, საქმის არსის შესახებ საზოგადოებას ინფორმაცია მიაწოდა. პრესკონფერენციას გაუჩინარებულის დედაც ესწრებოდა, რომელიც პრემიერ-მინისტრთან შეხვედრას ითხოვს.
მაგამედ მაგამედოვი საქართველოს ტერიტორიაზე 2012 წლსი მაისში დაღესტნიდან შემოვიდა . მის მიერ საზღვრის უკანონოდ გადმოკვეთა ცნობილი იყო შს სამინისტროს კონტრტერორისტული ცენტრისათავის. 2012 წლის 26 დეკმებრის განცხადებით მაგამედ მაგამედოვმა საქართველოს ლტოლვილთა და განსახლების სამინისტროს მიმართა და თავშესაფარი ითხოვა, რადგან როგორც თავად ამბობდა, რუსეთში აღმსარებლობის გამო იდევნობოდა.
მაგამედოვის მეუღლის, ქალიმან ბაგდანის ინფორმაციით მაგამედოვი სახლიდან 2013 წლის 19 აპრილს დაახლოებით 12:40 წუთზე, მეგობრებთან ერთად ლოცვის აღასრულელად გავიდა.
ადამიანის უფლებათა ცენტრის ხელმძღვანელის, ალეკო ცქიტიშვილის თქმით კი, ერთ-ერთი ვერსიის მიხედვით, მაგამედოვი ძალოვანმა უწყებებმა რუსეთის ხელისუფლებას გადასცეს.
ადვოკატ ნინო ანდრიაშვილის განცხადებით, მაგამედოვის საქმის გამოძიება ჭიანურდება:
„პროკურატურიდან პერიოდულად გვპასუხობენ, რომ ამ საქმეზე გამოძიება მიმდინარეობს. თუმცა, ფაქტია რომ საქმის გამოძიება ძალიან ჭიანურდება“ - ამბობს ნინო ანდრიაშვილი.