14:32, Wednesday, 28.10.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

წალკიდან დაბრუნებული ეკომიგრანტების პრობლემა კვლავ მოუგვარებელია

18.06.2013

 
მაკა მალაყმაძე

წალკიდან ჩამოსული ეკომიგრანტები აჭარის მთავრობის სახლის წინ საპროტესტო აქციას 36-ე დღეა მართავენ.  რამდენიმე დღის წინ, მათ პრემიერ მინისტრიც შეხვდა და პრობლემის მოგვარებას დაპირდა. 

ეკომიგრანტები წალკიდან აჭარაში გასულ თვეს დაბრუნდნენ და მას შემდეგ, ღამეს ღია ცის ქვეშ ათევენ. ისინი სტიქიის გამო, ხულოსა და შუახევის რაიონებიდან წალკაში  წლების წინ გადაასახლეს. ეკომიგრანტებს ის  სახლები, რომლებშიც ისინი წალკაში მთავრობამ ჩაასახლა, საკუთრებაში არ ჰქონდათ გაფორმებული. მათი დიდი ნაწილის მფლობელები, წლების წინ საბერძნეთში გადასახლდნენ. თუმცა ახლა  მეპატრონეები საბერძნეთიდან დაბრუნდნენ და  სახლები  უკან დაიბრუნეს. უსახლკაროდ დარჩენილმა აჭარელმა ეკომიგრანტებმა დახმარებისთვის აჭარის მთავრობას მიმართეს. აჭარის მთავრობაში აცხადებენ,  რომ ამ ეტაპზე,   ქალაქს მათი ფართით დაკმაყოფილება არ შეუძლია. 

„ვართ უსახლკარო, კრიმინალ სააკაშვილის მსხვერპლი, გთხოვთ დაგვეხმაროთ“, „მოგმართავთ ხელისუფლებას, გთხოვთ მოგვაქციეთ ყურადღება“, „ბატონო ბიძინა, გთხოვთ გამოიჩინოთ შემართება ჩვენი 15 -წლიანი ტყვეობიდან გათავისუფლებაში”-ეს პლაკატები ეკომიგრანტთა სამარშუტო ტაქსებზეა გაკრული. ისინი კვლავ ყურადღებისა და პასუხის მოლოდინში არიან.

აჭარის მთავრობის სახლის წინ არსებულ მინდორზე ეკომიგრანტები აჭარაში დაბრუნების დღიდან „დასახლდნენ“. მომიტინგეთა ერთი ნაწილი ბოძებზე გადაფარებული ე.წ.  „ბრეზენტის“ ქვეშ  ათევს ღამეს, ნაწილს კი, სამარშუტო ტაქსებში სძინავს.  

14 ივნისს, აჭარაში ყოფნის დროს, საქართველოს პრემიერ მინისტრი ბიძინა ივანიშვილი ეკომიგრანტებსაც შეხვდა. ივანიშვილმა ჟურნალისტებთან საუბრისას აღნიშნა, რომ  სპეციალური კომისია საკითხს ერთ კვირაში დაარეგულირებს: „პრობლემები აქვთ წალკიდან დაბრუნებულ აჭარლებს. ბერძნებმა დაბრუნება დაიწყეს და სახლებიდან გამოასახლეს. ვქმნით კომისიას და ერთი კვირის განმავლობაში დავარეგულირებთ საკითხს“- აცხადებს ივანიშვილი. 

ეკომიგრანტები მოთმინებით ელოდებიან დაპირების შესრულებას. 

მევლუდ ვაშაყმაძე, ეკომიგრანტი: „ველოდებით ჩვენი პრობლემის მოგვარებას. აჭარის ხელისუფლება გვეუბნება, რომ მათ იურისდიქციაში არ შევდივართ. პრემიერ მინისტრი დაგვპირდა მოგვარებას, ვნახოთ რა იქნება“ .
თემურ გელაძე, ეკომიგრანტი: „არც ერთ ჩვენგანს, ვინც იქ ცხოვრობს, არ გვაქვს იმდენი თანხა, რომ ეს სახლები გამოვისყიდოთ. შესაბამისად, ჩვენი ხალხის ერთი ნაწილი, უკვე ღია ცის ქვეშ ცხოვრობს, მეორე ნაწილი - ახლობლებს შეეხიზნა. მე ეკომიგრანტი ვარ. სოფელ აგარიდან 15 წლის წინ მეწყრის გამო ავიყარე. აჭარაში სახლი აღარ მაქვს, აქ თუ დავბრუნდები, ღია ცის ქვეშ დავრჩები. თუ წალკაში დავრჩები, მაინც ღია ცის ქვეშ მომიწევს ცხოვრების გაგრძელება. არ ვიცი, რა უნდა ვქნა, ხელისუფლება თუ არ დაგვეხმარა პრობლემის მოგვარებაში“.

პრემიერის განცხადების მიხედვით, წალკიდან აჭარაში დაბრუნებული ეკომიგრანტების საკითხი ერთ კვირაში უნდა გადაწყდეს. 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC