10:58, Tuesday, 19.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ლანჩხუთის საკრებულოს ახალი განყოფილება ემატება

12.09.2013

 
ნინო მშვიდობაძე, გურია

ლანჩხუთის მუნიციპალიტეტის საკრებულოში ფრაქციამ „თვითმმართველობა განვითარებისთვის“ საკრებულოს ერთ-ერთ სხდომაზე შეიტანა ინიცირებული საკითხი საკრებულოს აპარატში დამატებით კიდევ ერთი სარედაქციო განყოფილების შექმნის შესახებ. ცნობისათვის, საკრებულოს აპარატში ამ დროისთვის უკვე არსებობს ორი განყოფილება: საორგანიზაციო და საზოგადოებასთან ურთიერთობისა და საოქმო განყოფილებები.

საკრებულოს სხდომაზე, სადაც ეს საკითხი უნდა განხილულიყო, გაირკვა, რომ ზემოხსენებული ფრაქციის ერთ-ერთმა წევრმა, დალი კვერენჩხილაძემ ამ საკითხის შესახებ არაფერი იცოდა. რაც შეეხება აპარტის უფროსს ნინო ძიძიგურს, მისი განაცხადებით, ახალი განყოფილების შექმნის იდეის შესახებ საკრებულოს სხდომის წინა დღეს, სამუშაო საათების დასრულებამდე რამდენიმე წუთით ადრე გაიგო:

„იმის გათვალისწინებთ, რომ საკრებულოს აპარატში უკვე ფუნქცინირებს ორი განყოფილება, გარდა ამისა, საკრებულოს თითოეულ კომისიასა და ფრაქციების უმრავლესობას ემსახურება კონსულტანტი, ასევე აპარატში შემოდის საკრებულოს თავმჯდომარის თანაშემწეც, დამატებით ახალი განყოფილების ჩამოყალიბება საკრებულოს აპარატში გაუმართლებლად მიმაჩნია“, - განაცხადა ძიძიგურმა.

ფრაქციის თავმჯდომარის, რევაზ ჩიტიძის განცხადებით, აღნიშნული პროექტი ინიცირებული და მომზადებულია მის მიერ:

„სულ ვამბობდი და ახლაც ვიმეორებ, რომ ლანჩხუთის საკრებულოს ძალიან კარგი აპარატი ჰყავს, მაგრამ ჩვენმა ფრაქციამ ჩათვალა, რომ უკეთესი მუშაობისათვის კარგი იქნებოდა ახალი განყოფილების შექმნა“, - გვითხრა ჩიტიძემ.

საკრებულოს წევრმა,  დავით წულაძემ Humanrights.ge-თან საუბარში აღნიშნა,რომ დამატებით  კიდევ ერთი ახალი განყოფილების შექმნა საკრებულოს აპარატში გამოიწვევდა ისედაც მწირი ბიუჯეტის კიდევ უფრო შემცირებას:

„მაქვს ინფორმაცია, რომ განყოფილება იქმნებოდა კონკრეტული პიროვნებებისათვის. აპარატში არსებობს ორი განყოფილება და დამატებით კიდევ ერთი განყოფილება, თავისი უფროსითა და მომსახურე პერსონალით ცხადია, ბიუჯეტის შემცირებას გამოიწვევს“, - აღნიშნა წულაძემ.

Humanrights.ge  გამგეობის იურიდიულ სამსახურს დაუკავშირდა და საკითხთან დაკავშირებით კომენტარი სთხოვა. სამსახურის უფროსის, შოთა ჩაგუნავას განცხადებით, ფრაქციის მიერ საკითხის ინიცირება არ ეწინააღმდეგება საკრებულოს რეგლამენტს. 
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC