თამთა თვალავაძე
საქალაქო სასამართლოში ბაჩო ახალაიას წინააღმდეგ სისხლის სამართლის მესამე საქმის განხილვა მიმდინარეობს. 17 სექტემბერს დანიშნული სასამართლო განხილვა, სადაც მხარეებს საბოლოო სიტყვა უნდა წარმოედგინა, პროკურორ რევაზ ნადოის გამოუცხადებლობის გამო გადაიდო. მოსამართლემ პროკურორის გამოუცხადებლობა არასაპატიოდ ჩათვალა და მას 300-ლარიანი ჯარიმა დააკისრა.
ბაჩო ახალაიას წინააღმდეგ სისხლის სამართლის მესამე საქმე 2006 წელს მომხადრ ციხის ბუნტის საქმეს ეხება. იმ პერიოდში ახალაია სასჯელაღსრულების დეპარტამენტის ხელმძღვანელის პოსტს იკავებდა. მასთან ერთად ბრალდებულები არიან : დავით ჭაკუა, მეგის ქარდავა და რევაზ ჭარბაძე. მათ ბრალი ედებათ სამსახურებრივი უფლებამოსილების გადამეტებასა ( 333-ე მუხლი) და თავისუფლებაშეზღუდული პირების წამებაში ( 1441-ე მუხლი). გამოძიების ინფორმაციით, ახალაიას და ადმინისტრაციის ხელმძღვანელთა უკანონო ქმედებამ დაწესებულებაში მყოფი პატიმრების აქტიური პროტესტი გამოიწვია, რაც გადაიზარდა ციხის ბუნტში.
ბაჩო ახალაიას საქმის მომდევნო სხდომაზე მხარეები საბოლოო სიტყვას წარმოადგენენ.