20:24, Friday, 15.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მერაბიშვილის სასამართლო პროცესი 17 ოქტომბერს განახლდება

15.10.2013

 
შორენა კაკაბაძე, იმერეთი

ორი დაკმაყოფილებული და ერთი დაუკმაყოფილებელი შუამდგომლობა, შეცვლილი მოსამართლე და ბრალდებულის სკამიდან გაკეთებული პოლიტიკური განცხადებები - ამ ვითარებაში წარიმართა 7 ოქტომბერს მერაბიშვილ-ჭიაბერაშვილის სასამართლო პროცესი ქუთაისის საქალაქო სასამართლოში.

ვანო მერაბიშვილს ბრალი საქართველოს სისხლის სამართლის კოდექსის სამი მუხლით (ამომრჩევლის მოსყდვა, სახელმწიფო ქონების მითვისება და სამსახურებრივი უფლებამოსილების ბოროტად გამოყენება) აქვს წაყენებული.

წინა, 21 და 27 სექტემბერის  სასამართლო პროცესებზე მერაბიშილის ადვოკატებმა მოსამართლე თეიმურაზ დგვარელი ხელისუფლების მხრიდან ზეწოლაში ამხელეს და მისი შეცვლა მოითხოვეს.

მათი მოთხოვნა მოსამართლის აცილებასთან დაკავშირებით დაკმაყოფილდა - ყოფილი პრემიერის საქმის არსებითი განხილვა 7 ოქტომბერს თეიმურაზ დგვარელის ნაცვლად ნათია ბარბაქაძემ აწარმოა.

 „ეს არის პოლიტიკური ზეწოლა ჩემზე და „ნაციონალურ მოძრაობაზე.“ მე ვარ ივანიშვილის პირადი პატიმარი და ეს ადამიანები, ვგულისხმობ პროკურორებს, ივანიშვილის დავალებებს ასრულებენ. აქ გადაწყვეტილებას არ იღებს არც პროკურატურა, არც სასამართლო, არამედ,  ივანიშვილი, ნაცვლიშვილი, კახა თარგამაძის, ლევან პირველის და სხვა ყაჩაღებისა და ბანდიტების დახმარებით. სახეზეა უსაფუძვლო ბრალდებები და გაწელილი სასამართლო პროცესები“, - განაცხადა ყოფილმა პრემიერმა სასამართლო სხდომაზე, საქმის არსებითი განხილვის დაწყებემდე. 

შევარდნაძის მთავრობის მაღალჩინოსნები მან სასამართლო სხდომაზე რამდენჯერმე ახსენა, რისთვისაც დარბაზის მხრიდან აპლოდისმენტები, მოსამართლისგან კი, მკაცრი გაფრთხილება მიიღო.

დაცვის მხარის შუამდგომლობა, მერაბიშვილისთვის აღკვეთის ღონისძიების  გაუქმების, ასევე, პროკურორების აცილების თაობაზე, მოსამართლემ არც ამჯერად  დააკმაყოფილა. 

პროცესის შემდეგი ეტაპი ბრალდების მხარის მიერ წარმოდგენილი მტკიცებულებების მოკვლევას, ასევე, მოწმეების დაკითხვას დაეთმობა. 

მორიგი სასამართლო პროცესი ქუთაისის საქალაქო სასამართლოში 17 ოქტომბერს ჩაინიშნა.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC