მამუკა ზოიძე, აჭარა
2013 წლის საპრეზიდენტო არჩევნებისთვის, ბათუმში გახსნილ 104 საარჩევნო უბანს, ორი ე.წ. სპეცუბანი დაემატა. აღნიშნული უბნები ბათუმში თევდორე მღვდლის #27-ში და ადლიაში მდებარეობს. აღსანიშნავია, რომ 2012 წლის საპარლამენტო არჩევნებისთვის, ბათუმის ოლქში მსგავსი ოთხი უბანი იყო გახსნილი.
ბათუმის ოლქის ხელმძღვანელის კახაბერ ჯაიანის განცხადებით, მათთან სპეცუბნის გახსნასთან დაკავშირებით მეტი განცხადება არ შესულა: „ჩვენ არ ვწყეტთ სპეცუბნების ოდენობას. რამდენი მიმართვაც შემოვა სხვადასხვა სტრუქტურიდან, იმდენი სპეცუბანი იხსნება. ამ არჩევნებისთვის მხოლოდ ორი მიმართვა არის შემოსული და შესაბამისად, ორი უბანი გავხსენით“.