მიხეილ მამალაშვილი, კახეთი
კახეთის რვა რაიონში რეგისტრირებული 313 283 ამომრჩევლიდან არჩევნებზე გამოცხადდა 146 516 ამომრჩეველი, რაც საერთო რაოდენობის 46,76% შეადგენს.
ცენტრალური საარჩევნო კომისიის მონაცემებით კახეთში ამომრჩევლების ყველაზე მაღალი აქტივობა სიღნაღში (54,18%) და დედოფლისწყაროში (53.24%) დაფიქსირდა. ხოლო ყველაზე ნაკლები საგარეჯოში ( 37,92).
კოალიცია ქართული ოცნების კანდიდატმა გიორგი მარგველაშვილმა ყველაზე მეტი ხმა (16 630) გურჯაანის საარჩევნო ოლქში მიიღო ხოლო ყველაზე ნაკლები კი, (8558) ყვარელში. რაც შეეხება ერთიანი ნაციონალური მოძრაობის კანდიდატს დავით ბაქრაძეს. მანაც ყველაზე მეტი ხმა გურჯაანის ოლქში დააგროვა ხოლო ყველაზე ნაკლები (1442) დედოფლისწყაროში.
ამ დრისათვის კახეთში ყველა უბანზე ხმების 100% დათვლილია.