08:38, Wednesday, 13.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მერაბიშვილის სასამართლო პროცესზე „ადამიანის უფლებათა ცენტრის“ ანგარიშს მტკიცებულებად განიხილავენ

21.11.2013

 
სალომე ჩხეიძე

ადამიანის უფლებათა ცენტრის ანგარიში 2011 წლის 26 მაისის მოვლენებთან დაკავშირებით, ვანო მერაბიშვილის სისხლის სამართლის საქმეზე მტკიცებულებად არის წარდგენილი. აღნიშნული შესახებ, 19 ნოემბრის სხდომაზე, ბრალდების მხარემ მტკიცებულებათა ნუსხის წარდგენის ეტაპზე განაცხადა.

თბილისის საქალაქო სასამართლოში შინაგან საქმეთა ყოფილი მინისტრის, ვანო მერაბიშვილის სისხლის სამართლის საქმის წინასასამართლო სხდომა გაიმართა. სხდომაზე ბრალდებისა და დაცვის მხარის მტკიცებულებათა წარდგენა ხდებოდა. 

სხდომის დაწყებისთანავე ვანო მერაბიშვილმა განცხადების გაკეთება ითხოვა და კულტურის სამინისტროს მიერ რაბათის მეჩეთისათვის ოქროს გუმბათის შესაძლო მოხსნას გამოეხმაურა: „შევიტყვე, რომ კულტურის სამინისტრო აპირებს რაბათში გუმბათის დემონტაჟს. ეს არის ხელისუფლების მცდელობა, წაშალონ ჩვენი კვალი და ამისთვის ყველაფერს აკეთებენ.  მე მინდა მათ ვუთხრა,  რომ რაც არ უნდა გააკეთონ, ამას ვერ მოახერხებენ. თუნდაც ასეთი სამარცხვნო სასამართლო პროცესები გაიმართოს, როგორიც დღეს ამ დარბაზშია 26 მაისის მოვლენებთან დაკავშირებით. ჩვენ კვალს ვერასდროს წაშლიან“, - განაცხადა ყოფილმა მინისტრმა.

სხდომის დასასრულს მხარეებმა  დააყენეს შუამდგომლობა ზოგიერთი მტკიცებულების დაუშვებლად ცნობის თაობაზე. აღნიშნულთან დაკავშირებით გადაწყვეტილებას მოსამართლე შემდეგ სხდომაზე მიიღებს. შინაგან საქმეთა ყოფილი მინისტრის, ვანო მერაბიშვილის სისხლის სამართლის საქმის განხილვა 27 ნოემბერს განახლდება. 

შეგახსენებთ, რომ თბილისის საქალაქო სასამართლომ ვანო მერაბიშვილს 26 მაისის საქმეზე აღმკვეთ ღონისძიებად წინასწარი პატიმრობა 30 მაისს შეუფარდა. გამოძიება მერაბიშვილს 26 მაისის აქციის დაშლისას სამსახურებრივი უფლებამოსილების გადამეტებას ედავება. დანაშაული, რომელიც გათვალისწინებულია სისხლის სამართლის კოდექსის 333-ე მუხლის მესამე ნაწილის „ბ“ და „გ“ ქვეპუნქტებით, 5-დან 8 წლამდე თავისუფლების აღკვეთას ითვალისწინებს.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC