Humanrights.ge
ადამიანის უფლებათა ცენტრის მედიაპორტალის სტატიამ, „ტექნიკური მიმართულება - ბიჭებს, ჰუმანიტარული - გოგონებს“ გაეროს მოსახლეობის ფონდის კონკურსში, საუკეთესო სტატიის ნომინაციაში პირველი ადგილი დაიკავა.
გაეროს მოსახელობის ფონდმა (UNFPA), პროგრამის „გენდერული თანასწორობის ხელშეწყობისთვის საქართველოში“ ფარგლებში, შვედეთის საერთაშორისო განვითარების თანამშრომლობის სააგენტოს (SIDA) მხარდაჭერით, ახალგაზრდა ჟურნალისტებისა და ბლოგერებისთვის მედია-კონკურსი გამოაცხადა. კონკურსის მიზანი იყო ხელი შეეწყო: გენდერული თემატიკის უკეთ გაშუქებას მედიაში და ახალგაზრდების უფლებების პოპულარიზაციას საზოგადოებაში.
გამარჯვებულთა დაჯილდოება ზურაბ წერეთლის საგამოფენო დარბაზში 6 დეკემბერს გაიმართა. საუკუთესო მულტიმედია ნამუშევრის კატეგორიაში ორგანიზაცია „იდენტობის“ ჟურნალისტმა გურამ მაცხონაშვილმა გაიმარჯვა ვიდეო-სიუჟეტისთვის „ტრამვაი სახელად „სურვილი“. საუკეტესო ბლოგის კატეგორიაში კი, პრიზი ჰაინრიხ ბიოლის ფონდის გენდერის პროგრამის კოორდინატორს ეთერ ნოღაიდელს გადაეცა.