02:47, Monday, 21.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კახეთის გუბერნატორი ირაკლი შიოლაშვილი იქნება

20.12.2013

 
მიხეილ მამალაშვილი

კახეთის გუბერნატორად დედოფლისწყაროს მუნიციპალიტეტის გამგებელი ირაკლი შიოლაშვილი დაინიშნა. მას გამგებლის თანამდებობა 2012 წლის 28 ნოემბრიდან ეკავა. შიოლაშვილი პროფრსიით იურისტია. გამგებლად დანიშვნამდე ფინანსთა სამინისტროში მუშაობდა. 2007- 2010 წლებში იყო დედოფლისწყაროს მაჟორიტარი დეპუტატი რაიონულ საკრებულოში, პარტიიდან „მრეწველობა გადაარჩენს საქართველოს“.

მისი მუნიციპალიტეტის გამგებლად დანიშვნის შემდეგ, სამსახურიდან წასვლის შესახებ განცხადებები დააწერინეს გამგეობის თანამშრომლებს. ოფიციალური ინფორმაციით, 2012 წლის პირველი ოქტომბრიდან 2013 წლის 15 ივლის ჩათვლით დედოფლისწყაროს მუნიციპალიტეტის გამგეობიდან პირადი განცხადების საფუძველზე 84 საჯარო პირი გაათავისუფლეს. ხოლო მათ ადგილებზე ძირითადად „ქართული ოცნების“ აქტივისტები დაინიშნენ.
ირაკლი ღარიბაშვილის განცხადებით შიოლაშვილი მისთვის არის მოდელი, თუ როგორი უნდა იყოს გამგებელი - „აქვს უმაღლესი იურიდიული განათლება, კარგად იცის კახეთის რეგიონი, წარმოშობით კახეთიდან არის და ვიტყოდი, რომ მართლაც გამორჩეული გამგებელი იყო ბოლო 1 წლის განმავლობაში. ჩემთვის პირადად ის არის მოდელი, თუ როგორი უნდა იყოს თანამედროვე გამგებელი თუ გუბერნატორი.

ირაკლი შიოლაშვილი დედოფლისწყაროს გამგებლად მუშაობის პერიოდში, ამავე მუნიციპალიტეტის სოფელ სამთაწყაროში განვითარებულ მოვლენებში აქტიურად მონაწილეობდა.

შიოლაშვილმა საზოგადოებას სამთარყაროში რელიგიურ ნიადგაზე მომხდარი დაპირისპირების დროს გაკეთებული განცხადებებით დაამახსოვრა. შგახსენებთ, რომ 2013 წლის 14 მაისს, მუსლიმთა სამმართველომ დედოფლისწყაროს რაიონის სოფელ სამთაწყაროში სამლოცველო სახლის გასახსნელად შენობა იყიდა. მუსლიმთა სამმართველოს ინფორმაციით, სამლოცველო სახლში სამთაწყაროში მცხოვრებ მუსლიმებს პარასკევობით ჯუმაშის ლოცვა უნდა აღევლინათ. სამთაწყაროს მოსახლეობის ნაწილის მხრიდან, სოფელში მუსლიმური სამლოცველო სახლის გახსნას დაპირისპირება მოჰყვა.

ამ ფაქტთან დაკავშირებით განცხადება გააკეთა დედოფლისწყაროს მუნიციპალიტეტის გამგებელმა ირაკლი შიოლაშვილმაც: „დაპირისპირებას ადგილი არ ჰქონია. სოფელმა გამოხატა თავის ნება, მე ვეთანხმები ხალხის აზრს და ხალხის აზრი არის ჩემთვის უზენაესი“.

სოფელ ფიროსმანის ტერიტორიული ორგანოს რწმუნებულის თემურ მურვანიძის განცხადებით, დედოფლისწყაროს მუნიციპალიტეტის გამგებელი ირაკლი შიოლაშვილი მისგან სოფელში მუსლიმთა წინამძღვარისთვის ხელშეშლას და მის შევიწროვებას ითხოვდა. მისი თქმით, მურვანიძემ გამგებლის მოთხოვნა არ შეასრულა, რის გამოც ის თანამდებობიდან გაათავისუფლეს.

29 წლის ირაკლი შიოლაშვილი საქართველოს პრემიერ-მინისტრის ირაკლი ღარიბაშვილის მეუღლის ნუნუკა თამაზაშვილის თანაკლასელი და მეგობარია.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC