12:37, Wednesday, 12.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გორში ქართული ოცნების კონფერენცია პროტესტის ფონზე მიმდინარეობდა

28.02.2014

 
ლადო ბიჭაშვილი, შიდა ქართლი

,,ქართული ოცნების“ რიგით მეორე კონფერენცია გორში ხმაურის ფონზე მიმდინარეობდა.  კონფერენციაზე დღის წერიგით გათვალისწინებული იყო, რეგიონული ორგანიზაციის თავმჯდომარის არჩევა. გორის დრამატულ თეატრში შეკრებილი დელეგატები მხარს, ნინო ზურაბიშვილს უჭერდნენ.
 
ქართული ოცნების  ათამდე წევრი არჩევნებს აპროტესტებდა და ადგილობრივ ორგანიზაციაში შიდა დაპირისპირებაზე საუბრობდა.
 
ვლადიმერ შუღლიაშვილი: ,,იგნორირება ხდება ამ ხალხის, ჯერ წინა თავმჯდომარის მხრიდან და ახლა ამ თავჯდომარის მხრიდანაც. 150 კაციდან 120 კაცი ახალი მოსულია. არ უბრძოლიათ და არაფერი უკეთებიათ, ჩვენ გარეთ დაგვტოვეს. არ უნდა გვკითხონ  ვინ უნდა იყოს ჩვენო ორგანიზაციის თავმჯდომარე? მიიყვანეს თავისი ხალხი, რომ მანდატი აუწიონ.“

კონფერენციას საქართველოს ენერგეტიკის მინისტრი კახი კალაძე და საპარლამენტო უმრავლესობის ლიდერი გიორგი ვოლსკიც ესწრებოდნენ. ხელისუფლების წარმომადგენლები თეატრის წინ შეკრებილ ქართული ოცნების დაპირისპირებულ მხარეს შეხვდნენ და სიტუაციის გარკვევას დაპირდნენ.

გიორგი ვოლსკი საპარლამენტო უმრავლესობის ლიდერი: ,,უკამაყოფილოები არაიან, თვლიან რომ აქტიური პროცესებიდან უყურადღებოდ დარჩნენ. აუცილებლად დეტალურად გავერკვევით. მიღმა არავინ არ უნდა დარჩეს, ეს არის ფაქტი, ვფიქრობ გაუგებრობაა და აღმოვფხვრით ამ გაუგებრობას აუცილებლად. ამ ხალხს ვიცნობ, ბევრს სახეზე ვიცნობ არჩევნების წინაპერიოდში აქტიურები იყვნენ.“

ნინო ზურაბიშვილი: ,,განხეთქილებას ადგილი არა აქვს.  პარტიაში არის 1300-მდე წევრი, ამიტომ თავისთავად ცხადია  შეიძლება  აზრთა სხვადასხვაობაც იყოს და რამდენიმე ადამინი რადიკალურადაც  იყოს განწყობილი, ეს ჩვეულებრივი ამბავია.“

მოქალაქეთა პოლიტიკური გაერთიანება ,,ქართული ოცნება დემოკრატიული საქართველოს“ კონფერენციას  150 დელეგატიდან 134 დაესწრო.  მათ ერთხმად გორის საოლქო ორგანიზაციის თავმჯდომარედ  ნინო ზურაბიშვილი აირჩიეს.

ნინო ზურაბიშვილი ,,ქართული ოცნება დემოკრატიული საქართველოს“რეგიონული ორგანიზაციის თავმჯდომარე: ,,ვეცდებით შემოვიკრიბოთ მეტი აქტივისტი მხარდამჭერი, გავაძლიეროთ ჩვენი ორგანიზაცია, მთავარი გამოწვევა არის თვითმართველობის არჩევნები და გამარჯვების იმედი გვაქვს“.

კახი კალაძე ენერგეტიკის მინისტრი: ,,დღეს შედგა მორიგი კონფერენცია, აირჩიეს საოლქო ორგანიზაციის თავმჯდომარე,  ქალბატონი ნინო ზურაბიშვილი. მე მინდა წარმატებები ვუსურვო და დარწმუნებული ვარ ჩვენ სასიკეთო საქმეებს გავაკეთებთ, როგორც გორის რაიონისთვის, ისე მთელი ქვეყნისთვის. კონფერენციები გაგრძელდება როგორც დედაქალაქში ისე მთელი ქვეყნის მასშტაბით.“

კახი კალაძემ ჟურნალისტებთან საუბრისას აღნიშნა, რომ ის მცირე გაუგებრობა, რომელიც კონფერენციას ახლდა, მოგვარდება და ქართული ოცნების მიღმა არც ერთი მხარდამჭერი არ დარჩება.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC