20:32, Saturday, 08.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კანონში ცვლილებით საჯარო მოხელეთა შრომითი უფლებები იზღუდება

28.02.2014

 
შორენა კაკაბაძე, ქუთაისი

„საჯარო სამსახურის შესახებ“ საქართველოს კანონში შეტანილ ცვლილებებზე დავამ  შესაძლოა საკონსტიტუციო სასამართლოში გადაინაცვლოს. მიმდინარე წლის 5 თებერვალს მიღებული ცვლილების მიხედვით, რომელიც საქართველოს საკანონმდებლო ორგანომ ადგილობრივი თვითმმართველობის კოდექსთან ერთად დაამტკიცა, საქართველოს ადგილობრივი თვითმმართველობის ორგანოების  ყველა თანამშრომელი დროებით მოვალეობის შემსრულებლად ცხადდება.

ახალი რეგულაციებით, თვითმმართველი ორგანოების დროებით მოვალეობის შემსრულებლები უფლებამოსილებას შესაბამისი თანამდებობის კონკურსის წესით შევსებამდე განახორციელებენ. გამოცხადდება კონკურსი, რომლის შედეგების გათვალისწინებით, ახალი კადრი შეირჩევა. კანონში შეტანილი ცვლილებების მიხედვით, ვაკანტური ადგილები ადგილობრივი თვითმმართველობის არჩევნების შედეგების გამოცხადებიდან 120 დღის ვადაში შეივსება. 

„საჯარო სამსახურის შესახებ“ საქართველოს კანონში შეტანილი ცვლილებების წინააღმდეგია არასამთავრობო სექტორი. ისიც, ოპოზიციის მსგავსად, თვლის, რომ ხელისუფლების მხრიდან ეს უკანგადადგმული ნაბიჯია და რეფორმასთან საერთო არაფერი აქვს.

„კანონში ეს ცვლილება ხელისუფლებას უფლებას აძლევს, თვითმმართველობის არჩევნების შემდეგ თვითმმართველ ორგანოებში თანამშრომელთა მასობრივი დათხოვნა დაუბრკოლებლად განახორციელოს. ამდენად, ამ ნორმის მიღება შეცდომაა. ვფიქრობთ, ეს ნორმა უნდა გადაიხედოს და საბოლოოდ, ამოღებულ იქნას კანონიდან. ჩვენ ვეცდებით აღნიშნული საკითხი სამართლებრივად მოგვარდეს“, - აცხადებს „სამართლიანი არჩევნებისა და დემოკრატიის საერთაშორისო საზოგადოების" თავმჯდომარე ნინო ლომჯარია.

აღნიშნული ცვლილების წინააღმდეგია „ახალგაზრდა იურისტთა ასოციაცია“ და „საერთაშორისო გამჭვირვალობა - საქართველოც.“ მათი წარმომადგენლების განმარტებით უსამართლობაა, როცა კანონის მეშვეობით ათიათასობით საჯარო მოხელეს სამსახურიდან ათავისუფლებ. 

საქართველოს პარლამენტმა ადგილობრივი თვითმმართველობის კოდექსი, ასევე, „საჯარო სამსახურის შესახებ“ საქართველოს კანონში ცვლილება  ხმაურიანი განხილვისა და არასამთავრობო სექტორის წარმომადგენლების მხრიდან პროტესტის ნიშნად ინტერფრაქციული ჯგუფის დატოვების ფონზე, მიმდინარე წლის 5 თებერვალს მესამე მოსმენით მიიღო. "საერთაშორისო გამჭვირვალობა - საქართველოს," "ახალგაზრდა იურისტთა ასოციაციისა" და "სამართლიანი არჩევნების" წარმომადგენლებმა ინტერფრაქციულ ჯგუფში დარჩენა აღარ ისურვეს და პროტესტის მიზეზად ახალი კანონის არაკონსტრუქციულობა დაასახელეს.

სხვა აზრი აქვთ და ფიქრობენ, რომ ცვლილებები ქვეყანას სასიკეთოდ წაადგება, თავად ცვლილებების ინიციატორები. ინფრასტრუქტურისა და რეგიონალური განვითარების მინისტრი დავით ნარმანია, რომელიც თვითმმართველობის კოდექსზე მომუშავე ჯგუფის ხელმძღვანელია, განმარტავს,  რომ არასამთავრობო სექტორის წარმომადგენელთა არგუმენტები უსაფუძვლოა: „საჯარო სამსახურის შესახებ“ საქართველოს კანონში შეტანილი ცვლილები, ისევე, როგორც ადგილობრივი თვითმმართველობის ახალი კოდექსი, თვითმმართველობის რეფორმის ნაწილია, რომელსაც ჩვენი ხელისუფლება ახორციელებს.  რაც შეეხება მათ არგუმენტებს იმის შესახებ, რომ თვითმმართველ ორანოებში თანამშრომელთა მასობრივი დათხოვნა დაიწყება, უსაფუძვლოა. რამეთუ, ადგილობრივ თვითმმართველობებში ჩატარდება ღია და გამჭვირვალე კონკურსები და სწორედ ამ კონკურსის გზით მოსული ადამიანები დაინიშნებიან თანამდებობებზე“, - განმარტავს  დავით ნარმანია.

ადამიანის უფლებათა კუთხით მომუშავე არასამთავრობო ორგანიზაციების წარმომადგენლები კი, აღნიშნულ საკითხთან დაკავშირებით საკონსტიტუციო სასამართლოში სარჩელის შეტანას არ გამორიცხავენ. მათი განმარტებით, კანონში შეტანილი რეგულაციებით საჯარო მოხელეთა შრომითი უფლებები იზღუდება, რაც დაუშვებელია. 

იგივეს ფიქრობენ საპარლამენტო ოპოზიციის წარმომადგენლები. აღნიშნულ საკითხებთან დაკავშირებით მათ პრეტენზიები ადგილობრივი თვითმმართველობის კოდექსის მუხლობრივი განხილვის დროს გამოხატეს და პროტესტის ნიშნად საპარლამენტო დარბაზი დატოვეს.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC