02:09, Sunday, 18.08.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გორში 14 წლის გოგონას მხარდასაჭერი აქცია გაიმართა

06.06.2014

 
ლადო ბიჭაშვილი, შიდა ქართლი

„უფლება გვაქვს, ვიცოდეთ სიმართლე!“ „არ მინდა, მეშინოდეს ჩემს ქალაქში!“ „მოხდეს დროული და ობიექტური გამოძიება!“ „არა ძალადობას!“ - ამ ტრანსპარანტებით 6 ივნისს  გორში, თეატრის ბაღში, გაიმართა 14  წლის გოგონას მხარდასაჭერი  აქცია. 

აქცია ორგანიზებული იყო გორში მოქმედი არასამთავრობო ორგანიზაციების (მეგობრობის ხიდი „ქართლოსი“ და „კოალიცია ქალთა პოლიტიკური ჩართულობისთვის“) მიერ. აქციის მონაწილეები ქალებზე ძალადობას გმობენ და არასრულწლოვან გოგონასთან დაკავშირებულ ფაქტზე სამართალდამცავი ორგანოებისგან დროულ და ობიექტურ გამოძიებას მოითხოვენ. 

ლია ჩლაჩიძე, აქციის მონაწილე: „თითოეული გორელის საქმეა, თითოეული ადამიანის საქმეა, რომ მოხდეს ობიექტური გამოძიება და დამნაშევე კანონის მთელი სიმკაცრით დაისაჯოს“. 

მზია ვანიშვილი, აქციის მონაწილე: „ვერსიები არის, რომ ბავშვი შეიძლება გადმოაგდეს, ბავშვი შეიძლება იძულებული გახდა და გადმოხტა, შეიძლება ვიღაცამ მიიყვანა და იქ დააგდო, მაგრამ ერთია, რომ გოგონა ძალიან მძიმე მდგომარეობაში იყო“.

14  წლის გოგონა რამდენიმე დღის წინ ღამის საათებში ქალაქის ცენტრში ერთ-ერთი სადარბაზოს წინ უგონო მდგომარეობაში იპოვეს. მას სხეულზე მრავლობითი დაზიანებები აღენიშნებოდა. თავდაპირველად იგი გორის ქალაქის საავადმყოფოში გადაიყვანეს, მოგვიანებით კი გორიდან თბილისში გაწერეს. 

საქმეს ქალაქ გორის პოლიციის სამმართველო იძიებს სისხლის სამართლის კოდექსის 115-მუხლით,  რაც თვითმკვლელობამდე მიყვანას გულისხმობს. გამოძიების ვერსიას არ ეთანხმებიან ოჯახის წევრები და აღნიშნავენ, რომ გოგონაზე ძალადობის მსხვერპლია და მას ფიზიკურად გაუსწორდა თავდამსხმელი.  

პოლიციამ  რამდენიმე პიროვნება მოწმის სახით უკვე  დაიკითხა,  ამ დროისთვის გამოძიებას არავინ დაუკავებია.  
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

სიკვდილით სავსე ქალაქი
ჩაიცვით საუკეთესო ტანსაცმელი. კარგად დახედეთ ბავშვებს და ჩაეხუტეთ. მოიკითხეთ დედა. დაურეკეთ მეგობრებს. გადახედეთ სახლის საბუთებს, ხომ წესრიგშია. თქვენ მალე მოკვდებით. თქვენ მოკვდებით ავარიაში.
ვრცლად...
უგზო-უკვლოდ დაკარგულები - „არ დამივიწყო!“
კუდები გვაკვირვებს
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC