დღეს თბილისის ადამიანის უფლებათა სახლში ადამიანის უფლებათა ცენტრმა წარმოადგინა ანგარიში - „2014 წლის ადგილობრივი თვითმმართველობის არჩევნების მონიტორინგი“
ანგარიშში ასახულია 2014 წლის ადგილობრივი თვითმმართველობის არჩევნების მონიტორინგის შედეგები.
ანგარიშში განხილულია წინასაარჩევნო პერიოდის ძირითადი ტენდენციები, ასევე - უშუალოდ ადგილობრივი თვითმმართველობის არჩევნების დღეს გამოვლენილი დარღვევები და პრობლემები. ანგარიში მთავრდება რეკომენდაციებით საქართველოს პარლამენტისადმი და ცესკოსადმი.
ადამიანის უფლებათა ცენტრმა არჩევნებზე დაკვირვება აწარმოა კახეთის რეგიონში ეთნიკური უმცირესობებით დასახლებულ სოფლებში და ასევე იმერეთის რეგიონის, კერძოდ - საჩხერის მუნიციპალიტეტის კონფლიქტისპირა სოფლებში.
„2014 წლის ადგილობრივი თვითმმართველობის არჩევნების მონიტორინგი“ ადამიანის უფლებათა ცენტრმა განახორციელა ფონდ „ღია საზოგადოება - საქართველოს“ ფინანსური მხარდაჭერით.
ადამიანის უფლებათა ცენტრი